لەنيننىڭ دەنەسى جاقىن ارادا كومىلە مە؟
پەتروۆتىڭ پايىمىنشا، ريەۆوليۋتسيا كوسەمىن وسيەتناماعا سايكەس 2024 -جىلى ياعني لەنيننىڭ ولگەنىنە 100 جىل تولعاندا قارالى راسىممەن شىعارىپ سالۋ كەرەك. سونداي- اق ول، بۇرىنعى سالتتى ساقتاۋ ماڭىزدىلىعىن ايتا كەلە لەنيننىڭ ورنىنا ءدال سونداي جاساندى دەنە قويۋ كەرەكتىگىن جەتكىزدى.
«بۇل قادامعا بارۋ ارقىلى بيۋدجەتتى اناعۇرلىم ۇنەمدەۋگە بولادى، ويتكەنى ۆلاديمير لەنيننىڭ دەنەسىن ساقتاۋ جۇمىستارى قىمباتقا شىعۋدا» ، - دەيدى ول.
كەڭەس ۇكىمەتىنىڭ نەگىزىن سالۋشىنىڭ دەنەسىن جەرلەۋ ماسەلەسى رەسەي قوعامىندا بۇرىننان تالقىلانىپ كەلەدى. وسىنداي پىكىر-تالاس 2017 -جىلى قازان ريەۆوليۋتسياسىنىڭ 100 جىلدىعىندا تاعى كوتەرىلگەن.
ءساۋىر ايىنىڭ سوڭىندا مەملەكەتتىك دۋمادا لەنيننىڭ دەنەسىن جەر قويناۋىنا تاپسىرۋ جونىندە زاڭ جوباسى ەنگىزىلگەن. بۇل جوبا رلدپ مەن «ەدينايا روسسيا» پارتيالارىنىڭ وكىلدەرىمەن ەنگىزىلگەن، الايدا كەيىن «ەدينايا روسسيا» قۇجاتتارىن كەرى قايتارىپ العان. بۇكىل رەسەيلىك قوعام پىكىرىن زەرتتەۋ ورتالىعىنىڭ دەرەگىنشە، رەسەيلىكتەردىڭ %60 لەنيننىڭ دەنەسىن جەرلەۋ كەرەك دەپ جاۋاپ بەرگەن، ونىڭ جارتىسى بۇنى دەرەۋ جاساۋ كەرەك دەسە، قالعان جارتىسى ءبىراز ۋاقىت كۇتە تۇرۋ كەرەك دەگەن ويىن بىلدىرگەن.