قۇلپىنايدىڭ ادام دەنساۋلىعىنا پايداسى
ال ونىڭ نە ءۇشىن ولاي اتالاتىنىن ءبارىمىز بىردەي بىلە بەرمەيمىز. ونىڭ سىرىن بىلگىڭىز كەلسە، مىنا ماقالامىزدى مۇقيات وقىپ شىعىڭىز. ويتكەنى ءبىز بۇگىن سىزدەرگە بۇل جەمىستىڭ ادام دەنساۋلىعىنا پايداسى تۋرالى ايتاتىن بولامىز.
1. قۇلپىناي جۇرەك-قان تامىرلارى اۋرۋلارىنىڭ الدىن الادى
بۇگىنگى تاڭدا بۇكىل الەم بويىنشا جۇرەك- قان تامىرلارى اۋرۋلارىنان قايتىس بولىپ جاتقان ادامدار سانى كۇن ساناپ كوبەيىپ كەلەدى. ەگەر بۇل جەمىستى ءوزىڭىزدىڭ اس مازىرىڭىزگە قوساتىن بولساڭىز، اتالمىش اۋرۋدىڭ الدىن الۋعا بولادى. ويتكەنى ونىڭ قۇرامىندا حولەستەرين دەڭگەيىن تومەندەتەتىن ەللاگوۆالىق قىشقىل بار. سونىمەن قاتار قۇلپىنايداعى س دارۋمەنى قان تامىرلارىن قالىپتى دەڭگەيدە ۇستايدى.
2. قۇلپىناي جەمىسى بەتتەگى پيگمەنتتىك داقتاردى كەتىرەدى
ەگەر تەرىڭىزدى اعارتىپ، سەكپىلدەر مەن پيگمەنتتىك داقتاردان قۇتىلعىڭىز كەلسە، بەتىڭىزگە قۇلپىنايدان ماسكا جاساڭىز. الايدا اۋەلى بىلەگىڭىزگە نەمەسە باسقا جەرىڭىزگە جاساپ كورىڭىز. ەگەر ءبارى جاقسى بولسا، بەتىڭىزگە سالا بەرىڭىز. مۇنداي ماسكانى اپتاسىنا 1-2 رەت جاساپ تۇرساڭىز دۇرىس بولادى.
3. قۇلپىنايدان جاسالعان ماسكا بەزەۋ مەن قابىنۋعا قارسى كومەكتەسەدى
ەگەر تەرىڭىزگە ءتۇرلى بورتپەلەر شىعىپ مازالايتىن بولسا، وندا ويلانباستان قۇلپىنايدىڭ تۇيىنىنەن ماسكا دايىنداڭىز. سەبەبى ونىڭ قۇرامىندا تەرى اۋرۋلارىمەن بەلسەندى كۇرەسەتىن انتيوكسيدانتتار بار.
4. بۇل جەمىس كارىلىكتەن دە ساقتايدى
قۇلپىنايداعى انتيوكسيدانتتار بوس راديكالدارعا قاراما- قارسى اسەر ەتەدى. سوندىقتان كارىلىكتىڭ اۋىلى الىستايدى. ول ءۇشىن تۇسكى تاماعىڭىزدى ءىشىپ بولعاننان سوڭ 40 مينۋتتان كەيىن قۇلپىناي جەۋىڭىز كەرەك.
5. قۇلپىناي ءتىسىڭىزدى اعارتادى
قۇلپىنايدىڭ قۇرامىنداعى س دارۋمەنى ءتىستى سارعايۋدان قۇتقارادى. ونى تۇتىنۋ ارقىلى ءسىز بەلگىلى ءبىر ۋاقىتتان كەيىن ءتىسىڭىزدىڭ اعارعانىنا كوزىڭىز جەتەدى.
6. كوزدىڭ كورۋىن جاقسارتادى
جىل وتە كەلە كوزىڭىزدىڭ كورۋى دە ناشارلاي تۇسەتىنى انىق. ول كەزدە قۇلپىنايداعى س دارۋمەنى، ورگانيكالىق قىشقىلدار، فلاۆونويدتەر ءتۇرلى كوز اۋرۋلارىنا قارسى كومەكتەسەدى.
قۇلپىناي جەپ سۇلۋلىعىڭىزدى ساقتاڭىز جانە دەنساۋلىعىڭىزدى كۇتىڭىز