بويدى قالاي ۇزارتۋعا بولادى؟

 استانا. قازاقپارات - «بويىمدى قالاي وسىرەمىن؟» دەگەن سۇراق باليعاتقا تولعان سوڭ كوپ ادامنىڭ ويىنا كىرە بەرمەۋى مۇمكىن.

شىنتۋايىتقا كەلسەك، جاس شاماڭىز «بولىپ تولعان» سوڭ دا بويدى وسىرۋگە بولادى.

بويىمدى قالاي وسىرەمىن؟

تاعامدى شاماسىنان اسىرىپ نەمەسە تاعام قۇرامىندا اقۋىزدىڭ جەتكىلىكسىز بولۋى بويدى دۇرىس وسپەۋىنە اكەلىپ سوعادى. بويدىڭ وسپەي قالۋىن ادامنىڭ گەندىك ەرەكشەلىكتەرىمەن دە بايلانىستىرىپ تۇسىندىرۋگە بولادى.

بۇدان دا باسقا كوپتەگەن فاكتور اسەر ەتەدى. ماسەلەن، سولتۇستىك كورەيا مەن وڭتۇستىك كورەيانىڭ ادامدارىنىڭ ورتاشا بويىن سالىستىرىپ كورگەن عالىمدار سولتۇستىك بولىكتە تۇراتىن ادامداردىڭ 7 سانتيمەترگە بيىك ەكەنىن اڭعارعان. مۇنىڭ سەبەبىن ماماندار وتە كوپ مولشەردە اس ىشۋدەن دەيدى. بويدىڭ ءوسۋ-وسپەۋى 80-85 پايىزى گەنەتيكالىق فاكتورلارعا تاۋەلدى. ال قالعان سىرتقى فاكتورلاردىڭ ۇلەس سالماعى 15-20 پايىز عانا ەكەن. ەگەر بىرىنشىسىندە اتا-تەگىڭىزدىڭ ورتاشا بويى ماڭىزدى بولسا، ەكىنشىسى ادامنىڭ تاماقتانۋى مەن اعزاعا قاجەتتى ميكروەلەمەنتتەردىڭ قورەك ەتىلۋىنەن ەكەن.

بويدى وسىرەتىن ازىق- تۇلىك

بويدىڭ وسۋىنە تىكەلەي اسەر ەتەتىن دارۋمەن -  D دارۋمەنى جانە مىرىش (سينك). بۇل ەلەمەنتتەر ادامنىڭ نارەستە كەزىندە-اق اعزاعا جەتۋى كەرەك. ال ەرەسەك ادامدار بۇل دارۋمەندى قانشا قابىلداسا دا بويىنىڭ وسپەۋى ابدەن مۇمكىن. بۇدان باسقا، كالتسييدىڭ دە بويعا اسەرى بارىن كوپ ەستيمىز، ماسەلەن قۇرامىندا كالتسي بار ازىقتى قانشالىقتى كوپ جەسەك، سونشالىقتى بويىمىز بيىك بولادى دەپ ويلايمىز. ءبىراق بۇگىنگە دەيىن كالتسييدىڭ بويدى وسىرگەنى جايلى عىلىمي دالەل كەزدەسپەگەن.

بويدى ءوسىرۋ ءۇشىن قانداي جاتتىعۋ جاساۋ كەرەك؟

ناقتىلاي قانداي دا ءبىر جاتتىعۋدى جاساعان كەزدە بوي وسەدى دەلىنەتىن دەرەك تابىلمادى. ال بەلتەمىردە (تۋرنيك) تارتىلۋ ءالى دە اڭىز عانا. ارينە، بەلتەمىردە جاتتىققان جاس ءوسپىرىمنىڭ بويى ءوسۋى مۇمكىن، ءبىراق بويدىڭ ءوسۋى ناقتىلاي بەلتەمىردىڭ اسەرىنەن بولعانىن انىقتاۋ وتە قيىن. ال اۋىر تەمىر كوتەرۋ، اسىرەسە 17 جاستان كىشىلەرگە اۋىر تيەدى. ال ەڭ جاقسى ءادىس دەپ عالىمدار ۇيقىنى ايتادى. ەگەر ۇيقىڭىز تىنىش بولسا بويىڭىز دا تەز وسەدى.

 دەرەككوزى: «پ ت» توپتاماسىنان