ساۋساق ءىزى جوق ادامدار: ماماندار ساۋساق ءىزىنسىز تۋعان جانداردى زەرتتەپ كوردى
ساۋساق ءىزى بالا قۇرساقتا جاتقاندا التى ايىنان باستاپ قالىپتاسا باستايدى. قالىپتاسقان ءىز ءومىر بويى وزگەرمەيدى. ساۋساق ءىزىنىڭ ادام اعزاسىنداعى قىزمەتى ءالى ناقتىلانباعان. كەي تەورياعا سايكەس، ساۋساق ءىزى زاتتى ۇستاۋعا كومەكتەسەدى دەسە، ەندى بىرىندە سيپاپ سەزۋگە اسەر ەتەتىنى ايتىلعان.
2007 -جىلى دەرماتولوگ پيتەر يتينگە ساۋساق ءىزى مۇلدە جوق ايەل قارالادى. ونىڭ الاقانى تەپ- تەگىس بولعان. بۇعان دەيىن دارىگەرلەر ساۋساق ءىزسىز تۋاتىن ادامدار جايلى ەستىگەن. ول ۋاقىتتاردا بۇل گەندىك اۋىتقۋشىلىق فرانچەسكەتتي- ياداسسوا- نەگەلي سيندرومى دەپ اتالىپ كەلدى. وعان تاز باستىلار مەن تەرىسى قۇرعاقتار دا جاتادى.
الايدا ناۋقاس ايەلدىڭ دەنساۋلىعىنان مۇنداي كىنارات تابىلعان جوق. دارىگەرلەر زەرتتەۋ جۇرگىزە باستادى. اقىرىندا بۇل ايەلدىڭ وتباسىندا تاعى 8 ادامنىڭ ساۋساق ءىزى جوق ەكەنى انىقتالدى. تۇقىمداعى بۇل اۋىتقۋشىلىق ادەرماتوگليفيا دەپ اتالدى.
ادەرماتوگليفياعا شالدىققان ادامداردىڭ دەنەسىندەگى تور قاباتى دا از بولاتىنىن انىقتالدى. ءبىراق ولاردىڭ دەنساۋلىعى شاعىمى جوق.
ساۋساق ءىزى جوق ادامدارىڭ كەزىگەتىن قيىندىعى شەتەلگە شىعاتىن جاعدايدا تۋادى. ولار شەكارادان ساۋساق ءىزىن تاپسىرا المايدى.
Stan.kz