قازاق تەاترى تۇركيادا زور قوشەمەتكە يە بولدى
ەلباسىنىڭ «بولاشاققا باعدار: رۋحاني جاڭعىرۋ» باعدارلاماسى اياسىندا تەاتر ارتىستەرى يران- عايىپتىڭ «قورقىتتىڭ كورى» قويىلىمىن قويىپ، ۇلكەن قوشەمەتكە بولەندى.
«جالپى، مادەنيەتىمىزدىڭ وزىق تۇرلەرىن الەمدىك دەڭگەيگە كوتەرىلۋى، باسەكەگە قابىلەتتى حالىقارالىق دەڭگەيدە قىزمەت ەتۋ ءبىزدىڭ تەاتر ءۇشىن دە، ۇلت ءۇشىن دە وتە ماڭىزدى. مادەنيەت ۇلتتىڭ ار-نامىسى، جۇرەگى، بولمىسى بولعاندىقتان، ءبىر جىلدىڭ ىشىندە ءبىزدىڭ تەاتر حالىقارالىق ەكى-ءۇش ساپارلارعا شىعىپ ونەر كورسەتتى. مىنە، ءتۇبىمىز ءبىر تۇرىك ەلىنىڭ وڭتۇستىگىندە ورنالاسقان ادانا قالاسىندا ونەرىمىزدى كورسەتىپ ۇلكەن ءبىر قوشەمەتكە بولەنىپ قايتتىق. جالپى ەكى ەلدىڭ، تۇركى الەمىنىڭ اراسىنداعى رۋحاني بايلانىستى نىعايتۋ بارىسىندا وسى شاراعا ءبىزدىڭ تەاتر الەمدىك وزىق دەڭگەيدە ونەر كورسەتە الدى دەي ويلايمىن»، - دەيدى اكتەر بەكجان تۇرىس.
قويىلىمدا قورقىتتى سومداعان قازاقستاننىڭ ەڭبەك سىڭىرگەن قايراتكەرى دۋلىعا اقمولدا قويىلىم اياقتالعان سوڭ، جينالعان بارلىق تۇرىك باۋىرلاردىڭ، ادانا ساحناسىندا قويىلىمدى تاماشالاعان كورەرمەندەردىڭ الدىندا قازاق حالقىنىڭ ەگەمەندىگىن تانىپ، العاش رەت قولداۋ كورسەتكەن تۇركى حالقى ەكەنىن، ونى ەشقاشاندا قازاق حالقى ۇمىتپايتىنىن ايتتى.
اكتەر ءوز سوزىندە، قازاقستان مەن تۇركيا مەملەكەتتەرىنىڭ اراسىنداعى دوستىق، مادەني بايلانىس سودان بەرى ءوزىنىڭ جالعاسىن تاۋىپ كەلە جاتقانىن، اكادەميالىق تەاتر ۇجىمى تۇركيا ەلىندە وسىمەنەن ءتورتىنشى رەت گاسترولدىك ساپارمەن كەلىپ جاتقانىن تىلگە تيەك ەتتى.
ساپار بارىسىندا ءتۇبى ءبىر تۇركى حالىقتارىن جاقىنداتۋ ماقساتىندا ادانا قالاسىندا تەاتر فەستيۆالىنەن بولەك، كينو فەستيۆالدەردە ۇيىمداستىرىلعان. تەاتر اكتەرى، قازاقستاننىڭ ەڭبەك سىڭىرگەن قايراتكەرى باۋىرجان قاپتاعاي جالپى تۇركى الەمىنە ورتاق قورقىت تۋرالى قويىلىمى مەن اكتەرلاردىڭ شەبەرلىگىنە تۇرىك اعايىنداردىڭ ىقىلاسىنان وتە جوعارى باعا بەرگەندەرىن بايقاعانىن، قازاق تەاترىندا دا وسىنداي ۇلكەن دۇنيەلەر بار ەكەنىن دالەلدەگەنىن ايتتى.
ساپار بارىسىندا م. اۋەزوۆ تەاترى باۋىرلاس تۇركى حالىقتارىنىڭ رۋحاني قۇندىلىقتارىن، مادەني بايلانىسىن ودان ءارى ورىستەتىپ، مادەني-رۋحاني تاجىريبە الماسۋدى جالعاستىرۋدا تۇركى الەمىنە ورتاق ابىز، قوبىز اتاسى قورقىت تۋرالى قويىلىم ارقىلى لايىقتى ۇلەس قوسىپ قايتتى.