ليۆانداعى ب ۇ ۇ ۋاقىتشا كۇشتەرىنىڭ شىعىس سەكتورىندا قازاقستان تۋى جەلبىرەدى
ونىڭ ميسسياسىنىڭ باستى مىندەتى - ليۆان- يزرايل شەكاراسىن باقىلاۋ جانە ليۆانداعى بەيبىتشىلىك پەن قاۋىپسىزدىكتى قولداۋ. «ب ۇ ۇ جاڭالىقتارىنا» سۇحبات بەرگەن ب ۇ ۇ جانىنداعى قازاقستان تۇراقتى وكلىدىگىنىڭ اسكەري اتتاشەسى، پولكوۆنيك ەرۇلان اقىلبايەۆ بىتىمگەرلەردى قالاي دايىندايتىندىعى جايىندا ايتىپ بەردى، دەپ حابارلايدى قازاقپارات ءتىلشىسى.
«ليۆانداعى ب ۇ ۇ ۋاقىتشا كۇشتەرىنىڭ شىعىس سەكتورىندا قازاقستان تۋىن كوتەرۋ شاراسى ءوتتى. ءبىزدىڭ كونتينگەنت مانداتتىق كوميسسيانىڭ وتە قاتاڭ ىرىكتەۋىنەن ءوتتى. ولار جاقسى دايىندالعان كاسىبي اسكەري قىزمەتشىلەر»، - دەدى اسكەري اتتاشە.
ەرۇلان اقىلبايەۆتىڭ اتاپ وتۋىنشە، اسكەري قىزمەتشىلەرگە تالاپ وتە قاتاڭ. ولار وتە جاقسى بازالىق دايىندىقتان ءوتىپ، فيزيكالىق جانە پسيحولوگيالىق تۇرعىدا دا ساۋ بولۋى ءتيىس. ب ۇ ۇ- نىڭ بارلىق پروتسەدۋرالارى مەن ستاندارتتارىن، تارتىپكە قويىلاتىن تالاپتاردى بىلۋلەرى قاجەت.
«قازاقستاندىق بىلىمگەرلەر ب ۇ ۇ اياسىنداعى ءتۇرلى بىتىمگەرلىك ورتالىقتار وتكىزەتىن كۋرستاردان دايىندىقتان ءوتتى. ءبىزدىڭ وزىمىزدە دە قۇرلىق اسكەرلەرى اسكەري ينستيتۋتىنىڭ «بەيبىتشىلىك ءۇشىن سەرىكتەستىك» اتتى وقۋ ورتالىعى بار. اسكەري قىزمەتشىلەرىمىز تەك قانا قازاقستاندا ەمەس، سونىمەن بىرگە ءۇندىستاندا دا ۇندىلىك بىتىمگەرلەرمەن بىرلەسە وتىرىپ دايىندالدى»، - دەدى ول.
سونىمەن قاتار اسكەري اتتاشە قازاقستاندىق اسكەري قىزمەتشىلەر ورنالاسقان جەرگە جانە قىزمەت بارىسىنا وڭ باعا بەردى.
ايتا كەتەيىك، بىتىمگەرشىلىك وپەراتسيالارعا قاتىسۋ كەزەڭىندە اسكەري قىزمەتشىلەر قورعانىس مينيسترلىگىنىڭ بيۋدجەتى ەسەبىنەن ءۇش رەتتىك قاراجاتپەن قامتاماسىز ەتىلەدى.
سونداي- اق، ب ۇ ۇ جىبەرۋشى كونتينگەنتكە ب ۇ ۇ- نىڭ باس اسسامبلەياسى بەكىتكەن مولشەرلەمەلەر بويىنشا شىعىنداردى مەملەكەتكە قايتارادى.
بۇل ايىنا اسكەري قىزمەتشىگە جۇمسالاتىن 1428 ا ق ش دوللارىن قۇرايدى. ءار اسكەري قىزمەتشىگە قوسىمشا رەتىندە كۇنىنە 1,28 ا ق ش دوللارى مولشەرىندە تاۋلىكتىك قاراجات، ميسسيادا وتكىزگەن ءار 6-ايعا ۇسىنىلاتىن 15 كۇندىك دەمالىس ءۇشىن كۇنىنە 10,5 اقش دوللارى مولشەرىندە ساۋىقتىرۋ جاردەماقىسى تولەنەدى.