ۋران ونەركاسىبىندە الەمدىك كوشباسشى ەكەنىمىزدى دالەلدەدىك - عالىمجان ءپىرماتوۆ
بۇل تۋرالى بۇگىن ا ق ح ق و بيرجاسىنىڭ العاشقى ساۋدا-ساتتىعىنىڭ ىسكە قوسىلۋ راسىمىندە اتالعان كومپانيانىڭ باسقارما باسشىسى عالىمجان ءپىرماتوۆ ايتتى، دەپ حابارلايدى قازاقپارات.
«قاز اتوم ونەركاسىپ ۋران ونەركاسىبىنىڭ الەمدىك كوشباسشى رەتىندەگى ءوز مارتەبەسىن قۋاتتاي وتىرىپ، ءى ر و- نى تابىستى وتكىزدى جانە «استانا» ح ق و بيرجاسىنىڭ ليتينگىنەن وتكەن ءبىرىنشى كومپانياعا اينالدى. ءسىز 1997-جىلى جارلىعىڭىزبەن «قاز اتوم ونەركاسىپتى قۇرعان ەدىڭىز. سودان بەرى كومپانيا ءسىزدىڭ ستراتەگياڭىزدىڭ، بىرنەشە مىڭداعان ۇجىمىمىز بەن شەتەلدىك سەرىكتەستەرىمىزدىڭ ەڭبەگىنىڭ ارقاسىندا تەڭدەسىز ترانسفورماتسيادان ءوتىپ، ۋران وندىرۋدەن الەمدەگى ءنومىرى ءبىرىنشى كومپانياعا اينالدى»، - دەدى ول شاراعا قاتىسقان ق ر پرەزيدەنتى نۇرسۇلتان نازاربايەۆقا قاراتا.
ونىڭ سوزىنە قاراعاندا، ەندىگى ۋاقىتتا كومپانيا اكتسيونەرلەرىنىڭ قاتارىنا قازاقستاندىق ينۆەستورلار مەن حالىقارالىق ينۆەستيتسيالىق قورلار كىرىپ وتىر.
«ءبىز كومپانيانىڭ جەتىستىكتەرى مەن كەلەشەگىن اكسيونەرلەرىمىزبەن بولىسۋگە جانە ەلىمىزدىڭ يگىلىگى جولىندا دامۋدىڭ جاڭا كەزەڭىنە شىعارۋعا دايىنبىز»، - دەدى عالىمجان ءپىرماتوۆ.
«استانا» ح ق و بيرجاسى باسقارماسىنىڭ ءتوراعاسى تيموتي بەننەتت ءوز كەزەگىندە «قاز اتوم ونەركاسىپتىڭ» ءى ر و- عا شىعارىلۋى قازاقستاننىڭ ەكونوميكالىق دامۋى ءۇشىن ماڭىزدى ەكەندىگىن باسا ايتتى.
«بۇگىن «قاز اتوم ونەركاسىپ» ءۇشىن تاريحي كۇن ەكەندىگى ءسوزسىز. كومپانيا الەمدىك نارىق كاپيتالىنداعى ءوز باۋىرلاستارىمەن بىرىگىپ، ۇزدىكتەردىڭ ۇزدىگى بولا الاتىندىعىن كورسەتتى. سونىمەن قاتار بۇل ينۆەستورلار ءۇشىن اشىقتىقتى، بيزنەس ءوسىمىن قولداۋ ءۇشىن كاپيتالعا قولجەتىمدىلىكتى جاقسارتا تۇسەدى»، - دەدى ول.
بۇعان دەيىن «قاز اتوم ونەركاسىپ» اكسيالارى «استانا» حالىقارالىق قارجى ورتالىعى بيرجاسىندا ساتىلىمعا شىعارىلعانىن، سونداي-اق ءبىرىڭعاي جيناقتاۋشى زەينەتاقى قورى «قاز اتوم ونەركاسىپ» اكسيالارىن ساتىپ العانىن حابارلاعان ەدىك.