اعىلشىن، فرانسۋز الىپبيلەرىنە قاراعاندا، ءبىزدىڭ ءالىپبي ىڭعايلى - ارىستانبەك مۇحامەدي ۇلى
ولاردىڭ اراسىندا بەلگىلى قوعام قايراتكەرلەرى، اقىن-جازۋشىلار، ارتىستەر مەن سپورتشىلار بار.
«وسىلايشا، لاتىن قارپىن بىرتە-بىرتە باستاپ، حالىققا كەڭىنەن تاراتۋ كەرەك. ءوز باسىما لاتىن قارپى قيىن ەمەس، سەبەبى قىتايدا قازاق ءتىلىن لاتىن قارپىندە ۇيرەنگەن بولاتىنبىز. دەگەنمەن، ون شاقتى ارىپتە ايىرماشىلىق بار. سولاردى مەڭگەرسەك، جاڭا نۇسقاعا قينالماي كوشەمىز. كەلەشەك ۇرپاققا ءبىزدىڭ تاريحىمىزدى، مۇرامىزدى ءبىلۋ ءۇشىن لاتىن قارپىنە كوشۋى وتە ورىندى. بۇگىنگى ديكتانتتان 4+ الاتىن شىعارمىن»، - دەدى بەلگىلى وپەرا ءانشىسى، قازاقستاننىڭ ەڭبەك سىڭىرگەن ءارتىسى مايرا مۇحامەد قىزى.
ق ر مادەنيەت جانە سپورت ءمينيسترى ارىستانبەك مۇحامەدي ۇلى ديكتانتتا 3-4 قاتە جىبەرگەنىن ايتتى.
«باسىندا جىلدام جازۋعا تىرىسىپ، 3-4 قاتە جىبەرىپ الدىم. اسىرەسە، ءى مەن ي، ى مەن ۋ ارىپتەرىنەن جاڭىلدىم. جالپى ءوزىم اعىلشىن ءتىلىن بىلەمىن، سول ءۇشىن ارىپتەردى جازۋ قيىن بولعان جوق. سمارتفوندا دا لاتىن گرافيكاسىن ءجيى قولدانامىز. بۇگىندى ديكتانتىما 5- دەگەن باعا بەرەمىن. بارلىق وتانداستارىمدى لاتىن قارپىنە تەزىرەك كوشۋگە شاقىرامىن»، - دەدى مينيستر.
سونىمەن بىرگە، مينيستر «جاڭا الىپبيگە وزگەرىستەر ەنگىزۋ قاجەت پە» دەگەن جۋرناليستەر سۇراعىنا جاۋاپ بەردى.
«الىپبيگە ەش وزگەرىس كەرەك ەمەس. بارلىعى ۋ مەن ى ارىپتەرىن ىڭعايسىز دەپ ايتادى. وعان دا كەلە-كەلە ۇيرەنەمىز. دۇنيەجۇزىندە ناقتى شىڭىنا جەتكەن ءالىپبي جوق. اعىلشىن، فرانسۋز، نەمىس الىپبيلەرىنە قاراعاندا، بىزدەگى ءالىپبي نۇسقاسى وتە ىڭعايلى. وسى باعىتىمىز دۇرىس جانە ونى اۋىستىرۋدىڭ كەرەگى جوق»، - دەدى ا. مۇحامەدي ۇلى.
ايتا كەتەيىك، جالپى حالىقتىق ديكتانت ءبىر ۋاقىتتا وڭىرلەردەگى تىلدەردى دامىتۋ باسقارمالارى دايىنداعان ارنايى اۋديتوريالاردا ءوتتى.
ديكتانتتىڭ تاقىرىبى - «رۋحاني جاڭعىرۋ» باعدارلاماسى. ءماتىن 80 گە جۋىق سوزدەن تۇرادى. ديكتانت اياقتالعان سوڭ، ءماتىننىڭ جازباشا نۇسقاسى emle.kz, tilalemi.kz سايتتارىندا جاريالانىپ، ءار قاتىسۋشى جاڭا قازاق ءالىپبيىن مەڭگەرۋ دەڭگەيىن تەكسەرە الادى.