ەلىمىزدە اۋىلدى جانداندىرۋ باعىتىندا ارنايى جول كارتاسى ازىرلەنەدى
دەپ حابارلايدى قازاقپارات ءتىلشىسى.
فورۋمدا ءسوز سويلەگەن قوعامدىق دامۋ ءمينيسترى ءوزى باسشىلىق ەتىپ وتىرعان ۆەدومستۆونىڭ ماقساتىنىڭ ءبىرى - «رۋحاني جاڭعىرۋ» باعدارلاماسىن ارى قاراي جۇرگىزۋ ەكەنىندىگىن جەتكىزدى.
«اتالمىش باعدارلامانى مەملەكەت باسشىسى جاريالاعان بولاتىن. باعدارلامانىڭ باستى ميسسيالارى رەتىندە قوعامدىق سانانىڭ جاڭعىرۋى بەلگىلەنگەن. اتالمىش ميسسيانى التى باعىت بويىنشا، اتاپ ايتقاندا باسەكەگە قابىلەتتىلىك، پراگماتيزم، ۇلتتىق بىرەگەيلىكتى ساقتاۋ، ءبىلىم كۋلتى، قازاقستاننىڭ ەۆوليۋتسيالىق دامۋى مەن سانانىڭ اشىقتىعى باعىتتارى ارقىلى ىسكە اسىرۋ بەكىتىلگەن»، - دەدى قوعامدىق دامۋ ءمينيسترى.
ەلىمىزدە اۋىلدى جانداندىرۋ باعىتىندا ارنايى جول كارتاسى ازىرلەنەدى
قوعامدىق دامۋ ءمينيسترى جاڭا باستاما بويىنشا، باعدارلامانىڭ جەتىنشى باعىتى - «اۋىلىم - التىن بەسىگىم» دەگەن باعىت ەنگىزىلەيىن دەپ وتىرعانىن تىلگە تيەك ەتتى.
«وسى باعىتتىڭ ەڭ باستى جۇرگىزۋشىسى دە، ۇكىمەتپەن بىرگە جۇزەگە اسىرۋشىسى دا - «نۇر وتان» پارتياسى بولا الا الادى سەنىمدەمىن. ءبارىمىز دە اۋىلدان شىققاننان كەيىن ول جاقتاعى پروبلەمالاردىڭ ءبارىن بىلەمىز. قازىرگى تاڭدا اۋىل شارۋاشىلىق مينيسترلىگى «اۋىلىم - التىن بەسىگىم» باعىتىنا بايلانىستى كوپتەگەن شارالاردى دايىنداپ جاتىر. سوندىقتان، وسى «اۋىلىم - التىن بەسىگىم» بويىنشا ارنايى جول كارتاسى بولادى. سول كارتانى پارتيانىڭ ءوزى قاداعالاپ، ءوزىنىڭ جۇمىسىن جول كارتاسى بويىنشا جۇرگىزۋگە تولىق مۇمكىندىگى بار»، - دەدى دارحان كالەتايەۆ.
ەسكە سالا كەتسەك، ەلورداداعى كونگرەس- ورتالىقتا «نۇر وتان» پارتياسىنىڭ باستاۋىش ۇيىمدارىنىڭ رەسپۋبليكالىق فورۋمى ءوتىپ جاتىر.
اۆتور: ايان بەكەن ۇلى