ۇشاقتا وتىرعان ۇشقىشتار اسپاننان ۇشاتىن بەيمالىم نىساندى بايقاپ قالدى

 استانا. قازاقپارات - بىرنەشە اۋە كومپانياسىنىڭ ۇشقىشتارى يرلانديانىڭ ۇستىندەگى اسپاننان ۇشاتىن بەيمالىم نىساندى بايقاعانىن مالىمدەدى.

بۇل تۋرالى The Irish Times باسىلىمىنا سىلتەمە جاساپ Stan.kz حابارلايدى.

British Airways اۋە كومپانياسىنىڭ ۇشقىشى Boeing 787 ۇشاعىمەن مونرەالدان لوندونعا قاراي ۇشىپ بارا جاتقان. وسى كەزدە ول اسپاننان «وتە جىلدام قوزعالعان» جارىقتى كورىپتى.

«ول سول جاقتان پايدا بولىپ، ارتىنشا سولتۇستىككە باعىت الدى»، - دەيدى ۇشقىش.

ۇشقىشتىڭ سوزىنشە، ارتىنشا اسپانداعى جارىق اياق استىنان عايىپ بولعان. ال ديسپەتچەردىڭ سوزىنشە، بۇل كەزدە رادارلاردان بوگدە ەشتەڭە كورىنبەگەن.

مۇنان كەيىن ورلاندو-مانچەستەر باعىتىندا ۇشقان Virgin Airlines اۋە كەمەسىنىڭ ۇشقىشى دا جاپ-جارىق نىساندى كورگەن. ول دا جوعارىدا اتالعان باعىت بويىنشا قوزعالعان.

ۇشقىشتىڭ سوزىنشە، نىسان اتومسفەرانىڭ تىعىز قاباتتارىنا ەنىپ بارا جاتقان مەتەورعا ۇقسايدى.

سونىمەن قاتار جۇمباق نىساندى تاعى ءبىر ۇشقىش بايقاپتى.

«ونى جالعىز ءوزىم عانا كورمەگەنىم جاقسى بولدى»، - دەيدىك ۇشقىش.

باسىلىمدا حابارلانعانداي، يرلانديانىڭ اۆياتسيا باسقارماسى اتالعان فاكتى بويىنشا تەكسەرىس جۇرگىزىپ جاتىر.