پرەمەر-مينيستر جامبىل وبلىسىنا جۇمىس ساپارىمەن باردى

تاراز. قازاقپارات - ق ر پرەمەر-ءمينيسترى باقىتجان ساعىنتايەۆ جۇمىس ساپارىمەن تارازعا باردى، دەپ حابارلايدى قازاقپارات ءتىلشىسى.

جامبىل وبلىستىق اكىمدىگىنىڭ باسپا ءسوز قىزمەتىنىڭ مالىمدەۋىنشە، ۇكىمەت باسشىسىنىڭ ساپار باعدارلاماسىندا ءبىرقاتار ونەركاسىپتىك وندىرىستەرگە، ءبىلىم بەرۋ، دەنساۋلىق ساقتاۋ جانە الەۋمەتتىك نىساندارعا بارۋى جوسپارلانعان.

اتاپ ايتقاندا، پرەمەر-مينيستر ازىق-تۇلىك ءوندىرىسى كاسىپورىندارىن، «نۇرلى جەر» جانە «7-20-25» باعدارلاماسى اياسىندا جاڭا 15- شاعىن اۋداننىڭ قۇرىلىسىن، دارىندى بالالارعا ارنالعان IT- ليتسەي-ينتەرناتىن، قالالىق جۇمىسپەن قامتۋ ورتالىعىن، پوليتەحنيكالىق كوللەدجدى، قايرات رىسقۇلوۆ اتىنداعى جاڭارتىلعان ساياباقتى كورەدى.