كۇدىكتى ازامات شەكاراشىنى پىشاقتاپ كەتتى

None
None
استانا. قازاقپارات - اتىراۋ شەكارا وتريادىنىڭ «سازدى» شەكارا زاستاۆاسىندا كۇدىكتى ادامدى ۇستاۋ بارىسىندا شەكاراشىلار قارۋ قولدانۋعا ءماجبۇر بولعان دەپ جازادى Baq.kz.

وقيعا 10- قاراشا كۇنى بولعان. شەكارا ماڭىنداعى اۋىل تۇرعىنى «سازدى» شەكارا زاستاۆاسىنا قوڭىراۋ شالىپ، مەملەكەتتىك شەكارا سىزىعى ماڭىنان كۇدىكتى ازاماتتى كورگەنىن ايتىپتى. ارتىنشا اتالعان ورىنعا شەكارا ناريادى جىبەرىلگەن.

«بەيتانىس ادامعا يىققابىنىڭ ىشىندە نە بار ەكەنىن كورسەتۋ تۋرالى تالاپ قويىلعان. ال كۇدىكتى بۇل ەسكەرتۋگە جاۋاپ رەتىندە شەكاراشىعا پىشاق سىلتەپ، جارالاعان.

ءوزىن قورعاۋ ماقساتىندا جانە كۇدىكتىنى قولعا ءتۇسىرۋ ءۇشىن شەكارا ناريادىنىڭ باسشىسى تابەلدى قارۋىنان وق اتىپ، شابۋىل جاساۋشىنى قۇلاتقان.

ۇستالعان ادامعا قيعاش اۋىلىنىڭ فەلدشەرى العاشقى مەديتسينالىق كومەك كورسەتكەن سوڭ ءارى قاراي شەكارا ناريادى ونى قۇرمانعازى اۋداندىق ەمحاناسىنا مەديتسينالىق كومەك كورسەتۋ ءۇشىن الىپ كەتتى»، - دەلىنگەن ۇلتتىق قاۋىپسىزدىك كوميتەتى شەكارا قىزمەتى باسپا ءسوز قىزمەتىنىڭ حابارلاماسىندا.

جارالى وفيتسەر رەسەيدىڭ استراحان وبلىسىنداعى كراسنىي يار ەلدىمەكەنىنىڭ اۋرۋحاناسىنا جەتكىزىلگەن.

وتا جاسالعان سوڭ اسكەري قىزمەتكەر مەديتسينالىق مەكەمەنىڭ حيرۋرگيا بولىمىنە جاتقىزىلىپتى. قازىر شەكاراشىنىڭ جاعدايى ورتاشا.

اتالعان وقيعاعا قاتىستى تەرگەۋ امالدارى جۇرگىزىلۋدە.

 

سوڭعى جاڭالىقتار