دانيار ەلەۋسىنوۆتىڭ كەلەسى قارسىلاسى انىقتالدى

استانا. قازاقپارات - قازاقستاندىق بوكسشى دانيار ەلەۋسىنوۆتىڭ بەسىنشى جەكپە- جەگىندە قارسىلاسى انىقتالدى، دەپ حابارلايدى «SPORTINFORM» س ا ا.

Matchroom پروموۋتەرلىك كومپانياسى دانياردىڭ قارسىلاسى نيكاراگۋاندىق بوكسشى 33 جاستاعى ماركوس موحيكا (16-2-2، 12 ك و) بولاتىندىعىن جاريالادى.

ايتا كەتەيىك، 27 جاستاعى ەلەۋسىنوۆتىڭ مۇددەسىن قورعايتىن Matchroom Boxing پروموۋتەرلىك كومپانياسى ونىڭ كاسىبي بوكستاعى بەسىنشى جەكپە- جەگىنىڭ قاشان جانە قايدا وتەتىنىن جاريالاعان بولاتىن. جەكپە- جەك 24 - قاراشا كۇنى موناكونىڭ مونتە- كارلو قالاسىندا وتەدى.

21 - قازاندا دانيار ەلەۋسىنوۆ جارتىلاي ورتا سالماقتاعى ءتورتىنشى جەڭىسىنە قول جەتكىزدى. بۇل دانياردىڭ الەمدىك رەيتينگتە ءبىرشاما جوعارى كوتەرىلۋىنە جول اشتى.