ىشىندە ينە تولى ەكى قوراپ المۇرت تابىلدى

استانا. قازاقپارات - اۋستراليانىڭ مەلبۋرن قالاسىندا دۇكەننەن ساتىپ الىنعان جاڭا پىسكەن المۇرتتاردان تىگىن ينەلەرى تابىلدى. بۇل تۋرالى سارسەنبى كۇنى ABC تەلەكومپانياسى حابارلادى.

المۇرتتاعى ينەلەردى پوليتسيا ازىق- تۇلىكتى قاساقانا دۋالادى دەگەن ايىپپەن 50 جاستاعى ايەلدى تۇتقىنداعانىن جاريالاعاننان كەيىن ءۇش كۇن وتكەن سوڭ تاپقان. ۆيكتوريا شتاتىنىڭ پوليتسياسىنا ينەلەر تۋرالى ABC قىزمەتكەرى كلەر بونسەر حابارلاعان. ول تاڭعى اس ءىشىپ وتىرعان كەزدە المۇرتتان ينە تاپقان.

 «مەن ەشقانداي جاراقات العان جوقپىن. جەپ وتىرعان المۇرتتان جالتىراعان ينەنى كورىپ قالدىم»، - دەدى ايەل. ينەلەرى بار المۇرتتىڭ ەكىنشى قورابىن سيفوردتاعى (مەلبۋرن قالاسىنىڭ سىرتىندا) Woolworths سۋپەرماركەت جەلىسىنىڭ قىزمەتكەرلەرى تاپقان.

تەلەارنانىڭ دەرەگى بويىنشا، ۆيكتوريا شتاتىنىڭ پوليتسياسى جاڭا پىسكەن جەمىستەردەن ينەلەر تابىلۋ فاكتىلەرىن تەكسەرىپ جاتىر.