بالقاشتا توكپەن زاڭسىز بالىق اۋلاعان ەكى ادام ۇستالدى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، «براكونەر» ءىس- شاراسى بارىسىندا وڭىردە تابيعات قورعاۋ زاڭناماسىنىڭ تالاپتارىن بۇزۋدىڭ 67 فاكتىسى انىقتالدى، ونىڭ 6 فاكتىسى بويىنشا قىلمىستىق ءىس قوزعالدى. تەكسەرۋ بارىسىندا ءتورت كۇن ىشىندە مەملەكەتكە كەلتىرىلگەن ماتەريالدىق شىعىن كولەمى 11 ميلليون تەڭگەدەن استى.
ۆەدومستۆو تاراتقان اقپاراتقا سايكەس، قاراشا ايىنىڭ 9-13 - كۇندەرى ەلىمىزدە «براكونەر» رەسپۋبليكالىق جەدەل الدىن الۋ ءىس- شاراسى ۇيىمداستىرىلدى. ءتارتىپ ساقشىلارى الماتى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى، «وحوتزووپروم» ءو ب» رەسپۋبليكالىق كاسىپورنى جانە تابيعات قورعاۋ پروكۋراتۋراسىمەن بىرلەسە وتىرىپ وڭىردە اۋقىمدا رەيدتەر مەن ءتۇسىندىرۋ جۇمىستارىن جۇرگىزدى.
«بالقاش اۋدانىندا 2 جەرگىلىكتى تۇرعىن ۇستالدى. ولار ەلەكتر توعىن وندىرەتىن گەنەراتوردى جانە موتورلى قايىقتى پايدالانا وتىرىپ 151 ك گ بالىقتى زاڭسىز اۋلاعان. ياعني، مەملەكەتكە 500 مىڭ تەڭگەگە جۋىق ماتەريالدىق شىعىن كەلتىرگەن. وسى دەرەك بويىنشا ق ر قىلمىستىق كودەكستى 335-بابى بويىنشا سوتقا دەيىنگى تەرگەۋ امالدارى جۇرگىزىلۋدە»، - دەدى وبلىستىق تابيعات قورعاۋ پوليتسياسى بولىمشەسىنىڭ باستىعى ەرلان قۋجاقوۆ.
ءوز كەزەگىندە، ءتارتىپ ساقشىلارى زاڭ تالاپتارىن بىلمەگەندىك ازاماتتاردى قانداي دا ءبىر جاۋاپكەرشىلىكتەن بوساتپايتىنىن ەسكەرتەدى.
اۆتور: سامال قابىشيەۆا