نازاربايەۆ: جەكەلەگەن ەلدەردىڭ سانكسياسى - ەۋرازيانىڭ گەوەكونوميكاسىنىڭ باستى پروبلەماسى
بۇل تۋرالى بۇگىن ەلوردادا ءوتىپ جاتقان استانا كلۋبىنىڭ جالپى وتىرىسىندا ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
«ءبىز قولداناتىن كوممۋنيكاتسيالاردىڭ قاۋىپسىزدىگى تاعى دا ءبىر ماڭىزدى سىن- تەگەۋىرىنگە اينالادى. ەلدەر ءۇشىن تەجەۋشى فاكتور جاھاندانۋ ناتيجەسىندە قالىپتاسقان تىعىز ەكونوميكالىق ءوزارا تاۋەلدىلىك بولىپ سانالادى. دەگەنمەن، ساۋدا سوعىستارى مەن سانكسيالار بۇل فاكتوردىڭ ءمانىن شايىپ جىبەرەدى» ، - دەدى ەلباسى.
قازاقستان پرەزيدەنتىنىڭ پايىمىنشا، ايقىنسىزدىق جاعدايى بارلىق ەلدەردىڭ جاڭا «قىرعي قاباق سوعىس» شەگىندە اۋىتقىپ جۇرۋىنە ماجبۇرلەپ وتىر. مۇنداي «سوعىس» بارلىعىنا تەك جەڭىلىس اكەلەدى.
مەملەكەت باسشىسى ەۋرازيانىڭ گەوەكونوميكاسى ءۇشىن جەكەلەگەن مەملەكەتتەردىڭ ءبىرجاقتى تارتىپپەن جانە قارىمتا جاۋاپ سانكسياسى رەتىندە ەنگىزىپ وتىرعان ەكونوميكالىق سانكسيالارى ماڭىزدى پروبلەمالاردىڭ بىرىنە اينالىپ وتىرعانىن باسا ايتتى.
«ۇلكەن ەۋرازيانىڭ كەيبىر بولىكتەرىندە كەڭ اۋقىمدى اسكەري تايتالاستىڭ جوعارى ۆاريانتتىلىعى قالۋدا» ، - دەدى نۇرسۇلتان نازاربايەۆ.
ايتا كەتەيىك، ەلباسى جيىن بارىسىندا ۇلكەن ەۋرازيانىڭ سۇلباسى قالىپتاسىپ كەلە جاتقانىن ايتىپ، رەسەي، اقش جانە قىتاي اراسىنداعى گەوساياسي باسەكەلەستىككە الاڭداۋشىلىق تانىتتى.
سونىمەن قاتار نۇرسۇلتان نازاربايەۆ الەمدىك دەرجاۆالار قارۋلانۋ جارىسىنا قايتا ورالۋى مۇمكىن ەكەندىگىن ەسكەرتتى.