اقبوتا كەرىمبەكوۆا: كۇيەۋدەن باعىم جانباعان شىعار
«بىرەۋگە باقىتتى كۇيەۋدەن بەرەدى. بىرەۋگە باقىتتى بالادان بەرەدى. بىرەۋگە قىزمەتتەن بەرەدى. باقىتتى اركىم ءارقالاي تۇسىنەدى. كۇيەۋدەن باعىم جانباعان شىعار. ەندى كۇيەۋدەن باعىم جانبادى دەپ ولەيىن بە؟ بولمادى، ءوتتى، كەتتى. وتكەن پاراقتاردى قايتىپ اشۋدىڭ قاجەتى جوق. ءبىز كەز كەلگەن سىناققا مىقتى بولۋىمىز كەرەك. بىرەۋلەر كىنا وزىنەن دەپ ايتىپ جاتادى. كىنا ەكى جاقتان دا بولادى. ويتكەنى ەر ازامات ءوزىنىڭ ازاماتتىعىن ءىس-ارەكەتىمەن دالەلدەمەگەننەن كەيىن ايەل ادامنىڭ ءتىلى شىعادى. ول قوعامدا بولىپ جاتقان نارسە. كىشكەنە ايەل بولايىنشى، نازىك بولايىنشى دەپ تۇرمىسقا شىقتىم. ايتپەسە بەس بايعا، ون بايعا ءتيىپ ابىروي جيناۋ دەگەن تاربيەمدە جوق نارسە. اكە-شەشەم اجىراسقان كەزدە «مەن ءبىر رەت قانا تۇرمىسقا شىعامىن، بالا-شاعامنىڭ ءبارى ءبىر اكەدەن بولادى» دەيتىنمىن. باستاپقىدا ءبارى جاقسى بولادى دا، كەيىن ەرىك-جىگەرلەرىن كورسەتپەيدى. ءبىراق بۇرىنعى جولداستارىمنىڭ ەشقايسىنا وكپەلەمەيمىن. باقىت تىلەيمىن» - دەيدى ءانشى.