الەمدىك دەرجاۆالار قارۋلانۋ جارىسىنا قايتا ورالۋى مۇمكىن
«تەكەتىرەستىڭ كۇشەيۋى قاۋىپسىزدىكتى دامىتۋدىڭ جاھاندىق ينستيتۋتتارىنىڭ تيىمدىلىگى ماسەلەسىن كوتەرىپ وتىر. بۇگىنگى كۇننىڭ باستى ترەندى ەكىنشى دۇنيەجۇزىلىك سوعىستان كەيىن پايدا بولعان ستراتەگيالىق تۇراقتىلىق نەگىزدەرىنىڭ شاتقاياقتاۋى سانالادى» ، - دەپ اتاپ ءوتتى ەلباسى.
مەملەكەت باسشىسى شاعىن جانە قىسقا قاشىقتىقتاعى زىمىرانداردى جويۋ بويىنشا ۋاعدالاستىققا قاتىستى احۋالدىڭ دا كۇردەلەنە تۇسكەندىگىن باسا ايتتى.
الەمدىك دەرجاۆالار قارۋلانۋ جارىسىنا قايتا ورالۋى مۇمكىن«2021 -جىلعا دەيىن كۇشىندە بولاتىن ستراتەگيالىق شابۋىلداۋشى قارۋ- جاراقتاردى قىسقارتۋ تۋرالى شارتتى ۇزارتۋعا قاتىستى ماسەلەنىڭ جاي- كۇيى دە «بوگەلۋ» جاعدايىندا قالىپ وتىر. شاعىن جانە قىسقا قاشىقتىققا ارنالعان زىمىرانداردىڭ ىدىراۋى جانە ستراتەگيالىق شابۋىلداۋشى قارۋ- جاراقتاردى قىسقارتۋ تۋرالى شارتتى ۇزارتۋداعى پروبلەمالار ءىس جۇزىندە قارۋلانۋدى باقىلاۋ جۇيەسىن كۇيرەتەدى. الەمدىك دەرجاۆالار قارۋلانۋ جارىسىنا قايتا ورالۋى مۇمكىن. ادامزات ءوز ۇرپاعىنىڭ بولاشاعىنا جانە بۇگىنگى كەزەڭدە الاڭداۋشىلىق تانىتۋدا» ، - دەدى نۇرسۇلتان نازاربايەۆ.
ايتا كەتەيىك، ەلباسى جيىن بارىسىندا ۇلكەن ەۋرازيانىڭ سۇلباسى قالىپتاسىپ كەلە جاتقانىن ايتىپ، رەسەي، ا ق ش جانە قىتاي اراسىنداعى گەوساياسي باسەكەلەستىككە الاڭداۋشىلىق تانىتتى.