مىرزاتاي جولداسبەكوۆ پەن مايرا مۇحامەد قىزى كوپپەن بىرگە ديكتانت جازادى

استانا. قازاقپارات - لاتىن قارپىندەگى قازاق الىپبيىنەن العاش رەت وتكىزىلەتىن «جالپى حالىقتىق ديكتانتتى» ەلىمىزگە تانىمال قوعام قايراتكەرلەرى مەن ەسترادا جۇلدىزدارى دا ەلمەن بىرگە جازاتىن بولدى، دەپ حابارلايدى قازاقپارات ءتىلشىسى.

ەسكە سالا كەتسەك، بۇعان دەيىن ق ر مادەنيەت جانە سپورت مينيسترلىگىنىڭ ۇيىمداستىرۋىمەن 14 - قاراشادا، ساعات 11.00 - 11.30 ارالىعىندا رەسپۋبليكا بويىنشا لاتىن گرافيكاسى نەگىزىندە «جالپى حالىقتىق ديكتانت» وتەتىنىن حابارلاعان بولاتىنبىز.

«شارانىڭ ماقساتى - جاڭا قازاق ءالىپبيىن ناسيحاتتاۋ، لاتىن قارپىندەگى قازاق ءالىپبيىن ءىس جۇزىندە مەڭگەرۋگە داعدىلاندىرۋ. ديكتانتتى ارنايى بەلگىلەنگەن ورىنداردا جانە emle.kz, tilalemi.kz سايتتارىندا، «شالقار» جانە قازاق راديو ارنالارىندا تىكەلەي ەفيردە ءماتىن اۋديوسىن تىڭداپ، جازۋعا بولادى. اكسيانىڭ ۇزاقتىعى - 30 مينۋت.

سونىمەن بىرگە، ق ر مادەنيەت جانە سپورت مينيسترلىگى جالپى حالىقتىق اكسياعا كىمدەردىڭ قاتىساتىنىن حابارلادى.

«قازاقستان رەسپۋبليكاسى ۇلتتىق اكادەميالىق كىتاپحاناسىندا وتەتىن ديكتانتقا بەلگىلى قوعام قايراتكەرى مىرزاتاي جولداسبەكوۆ، قازاقستاندىق ارتىستەر مايرا مۇحامەد قىزى، تۇرار الىپبايەۆ، نۇربولات ارزاماس، باقتيار ادامجان، اقىن- جازۋشىلاردان نەسىپبەك ايت ۇلى، روزا مۇقانوۆا، قونىسباي ءابىلوۆ، سپورتشىلاردان سەرىك اقتايەۆ، ايبەك ورالباي، ايگەرىم ءابىلقادىروۆا، تالعات زارۋبەكوۆ، رينات سەكنازاروۆ، تەلەجۋرناليستەر ءلايلا سۇلتان قىزى مەن قانات اۋەسباي جانە باسقا دا بەلگىلى مادەنيەت جانە ونەر قايراتكەرلەرى قاتىسادى» ، - دەپ حابارلايدى مينيسترلىكتىڭ باسپا ءسوز قىزمەتىنەن.

 قاجەتتى اقپاراتتى emle.kz, tilalemi.kz سايتتارىنان الۋعا بولادى.