يممۋنيتەتىڭىزدى السىرەتەتىن ادەتتەر
ءبىزدىڭ جاعدايىمىز ءومىر سالتىمىزعا تىكەلەي بايلانىستى. كەيبىر جاعىمسىز ادەتتەرىمىز يممۋنيتتەتتى السىرەتىپ تاستايدى. ول قانداي ادەتتەر؟
دارىگەرگە بارۋعا اسىقپايسىز
دارىگەرگە سيرەك باراتىن ادامداردىڭ اۋرۋى كوبىنە اسقىنىپ كەتەدى. ەرتەرەك تەكسەرىلىپ، ەرتەرەك ەمدەلسەڭىز جاعدايىڭىز دا سوعۇرلىم جاقسى بولماق.
راتسيوننىڭ كالورياسىن قاتاڭ قاداعالايسىز
كالورياسى تومەن تاعامدار اعزاعا قاجەتتى زاتتىڭ ءبارىن بەرە المايدى. جاقسى تاماقتانباساڭىز اعزاداعى ورگانداردىڭ جۇمىسى بۇزىلادى. ارىقتاۋ ءۇشىن تاعام كالورياسىن شەكتەپ، يممۋنيتەتىڭىزدى السىرەتىپ الماڭىز.
ۇزاق ۋاقىت كۇيزەلىسكە ءتۇسىپ كەتەسىز
قىسقا مەرزىمدى كۇيزەلىستەر كەزىندە اعزانىڭ قورعانىس قىزمەتى ىسكە قوسىلادى. ءبىراق ۇزاققا سوزىلۆعان كۇيزەلىستەر اعزانىڭ يممۋندىق جۇيەسىن قۇرتادى. اعزا ينفەكسيالار مەن ۆيرۋستارعا قارسى تۇرۋدان قالادى. قاتتى كۇيزەلىس قانت ديابەتى مەن وستەوپوروز اۋرىنا شالدىقتىرادى.
ۇيقىڭىز قانبايدى
ۇيىقتاعان كەزدە يممۋندىق جۇيەدەگى بارلىق پروتسەستەر جىلدامدايدى. ءالسىز يممۋنيتەت ءوزى قالپىنا كەلەدى. ال ەگەر ۇيقىنى شەكتەسەڭىز قاجەتتى رەزەرۆتەن ايىرىلاسىز. سوندىقتان كۇنىنە 7-8 ساعات ۇيىقتاڭىز.
ابدەن شارشاعانشا جاتتىعاسىز
سپورتپەن شۇعىلدانعان جاقسى. ءبىراق شەكتەن تىس سالماق سالۋ اسا ءقاۋىپتى.
ۇزاق ۋاقىت وكپەلەپ جۇرەسىز
اشۋلانعان كەزدە جاعىمسىز ەنەرگيامىز ەڭ الدىمەن وزىمىزگە كەسىرىن تيگىزەدى. ءبىز اشۋلانعان كەزدە ارتەريالدىق قىسىمىمىز كوتەرىلەدى. جۇرەك قاعىسى جيىلەيدى. بۇنىڭ ءبارى كۇيزەلىستىڭ سيمپتومدارى. ال ول ءبىزدىڭ يممۋنيتەتىمىزدى قۇرتادى.
دەرەككوز: سەگودنيا