نۇرسۇلتان نازاربايەۆتىڭ قاتىسۋىمەن استانا كلۋبىنىڭ وتىرىسى باستالدى

استانا. قازاقپارات - ەلوردادا ق ر پرەزيدەنتى نۇرسۇلتان نازاربايەۆتىڭ قاتىسۋمەن استانا كلۋبىنىڭ جالپى وتىرىسى باستالدى، دەپ حابارلايدى قازاقپارات ءتىلشىسى.

شاراعا الەمنىڭ 30 ەلىنەن ەكس- پرەزيدەنتتەر مەن بۇرىنعى پرەمەر- مينيسترلەر، بۇرىنعى سىرتقى ىستەر مينيسترلەرى، نوبەل سىيلىعىنىڭ لاۋرەاتى، گەوساياسات جونىندەگى الەمدىك بەستەللەرلەردىڭ اۆتورلارى جانە حالىقارالىق قاتىناستار، گەوساياسات پەن ەكونوميكا بويىنشا ساراپشىلار سياقتى 50 گە جۋىق سپيكەر قاتىسۋدا.

 سپيكەرلەر قاتارىندا ەۋروپالىق كوميسسيانىڭ ءتوراعاسى (2004 - 2014) جوزە مانۋەل بارروزۋ، اۋعانستان پرەزيدەنتى (2001-2014) حاميد كارزاي، ماگاتەنىڭ باس ديرەكتورى (1997-2009) ، مىسىر ەلىنىڭ ۆيتسە- پرەزيدەنتى (2013) ، نوبەل سىيلىعىنىڭ بەيبىتشىلىك بويىنشا لاۋرەاتى موحاممەد ەل- بارادەي، تۇركيا پرەمەر- ءمينيسترى (2014-2016)، تۇركيانىڭ سىرتقى ىستەر ءمينيسترى (2009-2014) احمەت داۋىتوعلى، پاكىستاننىڭ پرەمەر- ءمينيسترى (2004-2007) شاۋكات ازيز، سلوۆەنيا پرەزيدەنتى (2007-2012) دانيلو تيۋرك، بەلگيا پرەمەر- ءمينيسترى (2008, 2009-2011)، IDEA حالىقارالىق دەموكراتيالىق ينستيتۋتىنىڭ ديرەكتورى يۆ لەتەرم، يتاليا سىرتقى ىستەر ءمينيسترى (2002-2004, 2008-2011) فرانكو فراتتيني، اۆستريا سىرتقى ىستەر ءمينيسترى (2000-2004) بەنيتا فەررەرو- ۆالدنەر، بانگلادەشتىڭ سىرتقى ىستەر ءمينيسترى (2007-2009) يفتەحار چوۋدحۋري، قىرعىز رەسپۋبليكاسىنىڭ پرەمەر- ءمينيسترى (2014-2015) دجوومارت وتوربايەۆ، گرۋزيا پرەمەر- ءمينيسترى (2015-2018) گەورگي كۆيريكاشۆيليدىڭ ەسىمدەرىن اتاۋعا بولادى.

 ايتا كەتەيىك، «استانا كلۋبى» ءتورتىنشى وتىرىسىنىڭ كەشەگى وتكەن ارنايى سەسسياسى بارىسىندا «2019 -جىلى ەۋرازيا ءۇشىن ءتونىپ تۇرعان الەمدىك قاۋىپتەر رەيتينگى» اتتى حالىقارالىق زەرتتەۋ ناتيجەسى كوپشىلىك نازارىنا ۇسىنىلعان بولاتىن.