جىن-شايتان مەن باس سۇيەكتەرگە تولى ادام شوشىرلىق ءۇي تۋرالى نە بىلەمىز؟
كاسىپكەر جىن-شايتاندار بەينەسى مەن ادامنىڭ باس سۇيەكتەرىن پايدالانىپ ءزاۋلىم ساراي تۇرعىزىپ العان دەپ جازادى bigpicture.ru سايتى.
كورشىلەردىڭ مالىمدەۋىنشە، ادام شوشىرلىق ءۇيدىڭ قوجايىنى ءوزىن ۇنەمى سالماقتى ۇستايتىن قاراپايىم ادام.
الايدا ونىڭ سالعان ءۇيى مەن ادام باس سۇيەگىمەن قاپتالعان كولىكتەرى كوپشىلىكتى باسقاشا ويلاۋعا يتەرمەلەيدى ەكەن.
ولاردىڭ ايتۋىنشا، ءۇيدىڭ سالىنۋىنا ون جىلدان استام ۋاقىت كەتكەن. الايدا، بەلسەندى تۇردە قۇرىلىس تەك سوڭعى ەكى جىلدا ءجۇرىپتى.
ءزاۋلىم سارايدىڭ توبەسىندەگى ميستيكالىق فيلم كەيىپكەرلەرى مەن قاقپادان شىعىپ تۇرعان قارا قولدار كوپشىلىكتى ابدەن شوشىتقان.
«باستاپقىدا ءۇي ادەمى كورىنگەن. نەمەرەم ءتىپتى ونى ەرتەگىدەگى ءزاۋلىم سارايمەن سالىستىردى. الايدا قاقپادان قارا قولدار شىعىپ، ءۇي قابىرعاسى باس سۇيەكتەرمەن بەزەندىرىلە باستاعاندا جاعامدى ۇستادىم. قازىر تۇندە ول ءۇيدىڭ ماڭىنان ادام بالاسى وتۋگە قورقاتىن بولدى»، - دەدى راتومكا اۋىلىنىڭ تۇرعىنى.
جىن-شايتاندار بەينەسىنە لىق تولى ۇيگە كورشى تۇراتىندار جەرگىلىكتى اكىمشىلىككە ءزاۋلىم ساراي يەسىنىڭ ۇستىنەن شاعىم تۇسىرگەن.
الايدا ءۇي جەكەمەنشىك بولعان سوڭ، ولاردىڭ قولىنان تۇك كەلمەگەن.
اۋىل تۇرعىندارى تالعامى ەرەكشە كورشىسىنىڭ ۇيىنە كىرمەك تۇگىل، ونىڭ ءزاۋلىم سارايىنىڭ ماڭىنا جولاۋعا دا قورقادى.