13:21, 14 - قاراشا 2018 | GMT +6
قىتايدا جولدا كەلە جاتقان ايەلدى جەر «جۇتىپ» قويدى - جانتۇرشىگەرلىك ۆيدەو
استانا. قازاقپارات - قىتايدا بەينەباقىلاۋ كامەراسى جاياۋجولدا كەلە جاتقان ايەلدىڭ جەر استىنا ءتۇسىپ كەتكەن ءساتىن ءتۇسىرىپ الدى.
ۆيدەونى CGTN ارناسى جاريالادى.
وقيعا جەكسەنبى كۇنى ەلدىڭ سولتۇستىك-باتىسىنداعى گانسۋ پروۆينتسياسىنىڭ لانجوۋ قالاسىندا بولعان.
كادردا جاياۋجول الدىمەن شوگىپ، سودان كەيىن بىرنەشە مەترگە تومەن وپىرىلىپ تۇسكەنى كورىنەدى.
جابىرلەنۋشىنى شۇڭقىردان قۇقىق قورعاۋ ورگاندارىنىڭ قىزمەتكەرلەرى شىعارىپ الدى. دارىگەرلەر ونىڭ قابىرعاسى سىنعانىن انىقتادى، دەپ حابارلادى CGTN.