بيىل جارىققا شىققان تۇرىكتىڭ ەڭ تانىمال سەريالدارى قانداي؟

 استانا. قازاقپارات - بۇگىنگى تاڭدا تۇرىك سەريالدارىن كورمەيتىن ادام كەمدە-كەم شىعار.

وسى ورايدا NUR. KZ پورتالى kaktus.media سايتىنا سىلتەمە جاساي وتىرىپ، كينوسۇيەر قاۋىمنىڭ نازارىنا كۇز ايىندا جارىققا شىعاتىن ەڭ قىزىقتى تۇرىك سەريالدارىنىڭ ءتىزىمىن ۇسىنادى.

«تۇڭعيىق» (د ن و) - ساحير مەن بىلگە جايلى سەريال

ساحير ەسىمدى پسيحياتر جىگىت ءوز-وزىنە قول جۇمساماق بولعان ادامدارمەن جۇمىس ىستەيدى. ال بىلگە - حاكەر قىز. بىلگەنىڭ ءرولىن («چەرنايا ليۋبوۆ» سەريالىنداعى - نيحان) نەسليحان اتاگيۋل وينايدى.

ەكى جۇمباق جاننىڭ سەزىمدەرى قالاي ءوربيتىنى جايلى سەريال بارىسىندا بىلە الاسىزدار.

مەنىڭ قىزىم (مويا دوچكا/دوچكا)

«مەنىڭ قىزىم» سەريالىنىڭ قازىر جەتى سەرياسى عانا جارىققا شىققان. دەي تۇرعانمەن، كىشكەنتاي ويكيۋدىڭ تاعدىرى جايلى كينو كوپشىلىكتىڭ كوڭىلىنەن شىعىپ ۇلگەرىپتى.

فيلم جەلىسى بويىنشا، كىشكەنتاي ويكيۋ ءوزىنىڭ اسىراندى ەكەنىن بىلەدى. وسى وقيعادان سوڭ جەتى جاستاعى قىزدىڭ اۋىر دەرتكە شالدىققانى انىقتالادى. ال ونىڭ اسىراندى اناسى ويكيۋدى ودان ءارى اسىراي المايتىنىن ءبىلىپ، قىزدىڭ قولىنا تۋعان اكەسىنىڭ اتى-ءجونى مەن مەكەن-جايى جازىلعان پاراقشانى بەرىپ، تاستاپ كەتەدى.

گۇلپەرى (گۋلپەري)

گۇلپەرى - ءوزىنىڭ ءۇش بالاسى جانە جۇبايىمەن باقىتتى ءومىر ءسۇرىپ جاتقان كەلىنشەك. الايدا ولاردىڭ شاڭىراعى ورتاسىنا ءتۇسىپ، كەلىنشەكتىڭ يراك شەكاراسىندا جۇرگەن كۇيەۋىن ءولتىرىپ كەتەدى.

ال گۇلپەرىنىڭ اتا-ەنەسى ءۇش بالانى تارتىپ الادى. بالالارى ءۇشىن تالاسىپ جۇرگەن كەلىنشەك ءبىر كۇندە تۇرمەدەن ءبىر-اق شىعادى.

سەن ايتشى، قارا تەڭىز (تى راسسكاجي، كارادەنيز)

بۇل سەريال بالا كۇنىندە ەركىنەن تىس تۇرمىسقا شىققان نەفەس جايلى بولماق.

نەفەستى اتا-اناسى اقشا ءۇشىن باي ەر ادامعا تۇرمىسقا بەرگەن. ءومىرى وسىلاي ءوتىپ جاتقاندا، نەفەس كۇيەۋى ۇيىنە شاقىرعان تاحير ەسىمدى قوناققا عاشىق بولىپ قالادى.

مۇنى بايقاعان جاس كەلىنشەكتىڭ كۇيەۋى ونى ءولىمشى ەتىپ ساباپ تاستايدى. اۋقاتتى كۇيەۋىنىڭ قورلىعىنان شارشاعان نەفەس كىشكەنتاي ۇلىن الىپ، تاحيردىڭ ۇيىنە قاشىپ كەلەدى.

مەنى جالعىز قالدىرما (نە وستاۆلياي مەنيا)

فيلم سيۋجەتى بويىنشا، انكارانىڭ ەڭ باي ادامىنا تۇرمىسقا شىققان كەلىنشەكتى ونىڭ قۇپياسىن بىلەتىندەر بوپسالاي باستايدى. ايەلدىڭ تۇڭعىش بالاسى وزىمەن ەرىپ كەلگەن، ياعني بۇل كۇيەۋىنىڭ ۇلى ەمەس.

ال جىگىتتىڭ اتا-اناسى بالاسى بار كەلىنشەكتى ءوز شاڭىراقتارىنا قابىلدامايدى.

تاعدىردىڭ سىناعىنا تۇسكەن عاشىقتاردىڭ ءومىرى جايلى «مەنى جالعىز قالدىرما» سەريالىنان تاماشالاي الاسىزدار.

ايتا كەتەيىك، اتالمىش سەريالداردىڭ ءتۇسىرىلىم جۇمىستارى ءالى اياقتالماعان.