ءۇندىستاندى سۇلۋلىعىمەن باعىندىرعان قازاق قىزى جايلى نە بىلەمىز؟
بويجەتكەننىڭ سوزىنشە، ول سۇلۋلىق بايقاۋىنا ءوزى جۇمىس جاسايتىن اگەنتتىك ارقىلى جولداما العان.
«Velada مودەلدىك اگەنتتىگىنىڭ قولداۋىمەن، اتالمىش بايقاۋعا بارىپ قايتتىم.
شىنى كەرەك، جەڭىمپاز اتانامىن دەپ ويلاماعان ەدىم. قارسىلاستارىمنىڭ بارلىعى اسقان سۇلۋ، ءبىلىمدى، ءارى جان-جاقتى ارۋلار بولدى.
ءبىراق مەن ءسان بايقاۋلارىنا 16 جاسىمنان باستاپ قاتىسىپ كەلە جاتىرمىن. سوندىقتان، ءوز-وزىمە سەنىمدى بولدىم، ءتىپتى، ەشتەڭەدەن قورىقپادىم دەسەم، ارتىق ايتپاسپىن»، - دەيدى اسەم.
سونىمەن بىرگە، ول بايقاۋدىڭ جۇلدە قورىنان جەڭىپ العان سوماسىنىڭ جارتىسىنان استامىن كۇردەلى وتانى قاجەت ەتەتىنىن بالاقايلارعا اۋداراتىنىن اتاپ ءوتتى.
«مەن كىشكەنتايىمنان جاقسىلىققا، مەيىرىمدىلىككە جانىم جاقىن بولىپ ءوستىم. ارينە، مەن بۇل سومامەن، الەمدەگى بارلىق سىرقاتتانعان بالالاردى ەمدەپ الا الماسام دا، تىم قۇرىسا بىرەۋىنە كومەكتەسۋدى ءجون كوردىم. بۇل مەنىڭ شەشىمىم، بولاشاعىمىز - بالالارىمىز امان بولسىن»، - دەيدى ارۋ.
سۇحبات بارىسىندا بويجەتكەن ءۇندىستان جايلى اسەرلەرىمەن دە ءبولىستى.
«ءۇندى ەلىنە العاش رەت باردىم. سالت-ءداستۇر مەن ادەت-عۇرىپتارى قاتتى تاڭ قالدىردى. ءبىر قيىنى ماعان اۋاسى تىم جاقپاسا دا، ۇلتتىق تاعامدارى قاتتى ۇنادى. ولار دا ءبىز سياقتى وتە قوناقجاي حالىق ەكەن»، - دەدى ول.
بويجەتكەننىڭ پىكىرىنشە، قانداي جەتىستىكتەرگە جەتسە دە، ول قاراپايىم قازاق قىزى بولىپ قالا بەرمەك ەكەن.
«بولاشاقتا الەمدىك برەندتەرمەن جۇمىس جاساعىم كەلەدى، سول ءۇشىن بارىمدى سالاتىن بولامىن»، - دەدى بويجەتكەن.
ايتا كەتەيىك، اسەم ەسەنگەلديەۆا ءۇندىستاندا قاراشانىڭ 2-10 ارالىعىندا وتكەن «Miss Asia Global» ءسان بايقاۋىنىڭ جەڭىمپازى اتانعان ەدى.