ماعجان جۇمابايەۆ اۋدانىنا جاڭا اكىم تاعايىندالدى

پەتروپاۆل. قازاقپارات - سولتۇستىك قازاقستان وبلىسىندا اۋىل شارۋاشىلىعى باسقارماسىنىڭ بۇرىنعى باسشىسى قايرات وماروۆ ماعجان جۇمابايەۆ اۋدانىنىڭ اكىمى بولىپ تاعايىندالدى، دەپ حابارلايدى قازاقپارات ءتىلشىسى.

وبلىس اكىمى باسپا ءسوز قىزمەتىنىڭ مالىمدەۋىنشە، اۋداننىڭ جاڭا اكىمىن ءوڭىر باسشىسى قۇمار اقساقالوۆ تانىستىرعان.

قايرات وماروۆ 1979 - جىلعى 15 - ناۋرىزدا كوكشەتاۋ وبلىسى، ۆولودار اۋدانىندا دۇنيەگە كەلگەن. «فەميدا» قاراعاندى زاڭ اكادەمياسىنىڭ كوكشەتاۋ فيليالىن، كوكشەتاۋ ەكونوميكا جانە مەنەدجمەنت ينستيتۋتىن بىتىرگەن، ەكونوميكا باكالاۆرى، زاڭگەر.

ەڭبەك جولىن 1996 - جىلى ايىرتاۋ اۋدانىنداعى ورتا مەكتەپتىڭ مۇعالىمى رەتىندە باستادى. 2004-2008 - جىلدار ارالىعىندا ع. مۇسىرەپوۆ اۋدانى ادىلەت باسقارماسىنىڭ جەتەكشى مامانى، باس مامانى، ايىرتاۋ اۋداندىق ادىلەت باسقارماسىنىڭ باس مامانى بولىپ ەڭبەك ەتتى.

2008 - جىلدان 2012 -جىلعا دەيىن «ح ق و» ر م ك ع. مۇسىرەپوۆ اۋداندىق فيليالىن باسقاردى.

2012-2015 - جىلدارى ع. مۇسىرەپوۆ اۋدانى اكىمىنىڭ ەكونوميكا جانە اۋىل شارۋاشىلىعى جونىندەگى ورىنباسارى بولىپ قىزمەت ەتتى.

2015 - جىلدان بەرى سولتۇستىك قازاقستان وبلىستىق اۋىل شارۋاشىلىعى باسقارماسىنىڭ باسشىسى لاۋازىمىن اتقارىپ كەلدى.