جاپونيادا جاڭا يمپەراتور تاققا وتىراتىن كۇن ۇلتتىق مەرەكەگە اينالادى

توكيو. قازاقپارات - جاپونيادا جاڭا يمپەراتور تاققا وتىراتىن كۇن ۇلتتىق مەرەكەگە اينالادى. پارلامەنت ارنايى زاڭ قابىلداعاننان كەيىن جاپونيالىقتار قاتارىنان 10 كۇن دەمالادى، دەپ حابارلايدى «قازاقپارات» ح ا ا Kyodo اگەنتتىگىنە سىلتەمە جاساپ.

جاپونيا ۇكىمەتى سەيسەنبىدە بەكىتكەن زاڭ جوباسىنا سايكەس، تاق مۇراگەرى نارۋحيتو ەل يمپەراتورى بولاتىن 2019-جىلعى 1- مامىر ۇلتتىق مەرەكە دەپ جاريالانادى. كەلەر جىلدىڭ 22- قازان كۇنى دە وسىنداي مارتەبەگە يە. بۇل كۇنى يمپەراتور سارايىندا جاڭا مونارحتى تاققا وتىرعىزۋ سالتاناتتارى وتەدى.

ايتا كەتەيىك، 1- مامىر جانە 2- قازان كۇندەرى تەك 2019-جىلى عانا مەرەكە رەتىندە تويلانادى.

جاپونيانىڭ قازىرگى يمپەراتورى 84 جاستاعى اكيحيتو تاقتان تۇسەتىنىن 2016-جىلى جاريالاعان بولاتىن. ۇلتتىق زاڭناماعا سايكەس، مونارح تاقتا ءومىرىنىڭ سوڭىنا دەيىن وتىرۋى ءتيىس، الايدا اكيحيتو قارتايعاندىقتان، ءوزى وسىنداي شەشىم قابىلداعان.

يمپەراتور 2019-جىلدىڭ 30- ساۋىرىندە تاقتان ءتۇسىپ، ەرتەڭىنە ونىڭ ۇلكەن ۇلى، 58 جاستاعى نارۋحيتو جاڭا يمپەراتور بولادى.