ەلوردانىڭ ارقاعا كوشۋى تۋرالى تۇڭعىش درامانىڭ تۇساۋى كەسىلدى
قويىلىمدا استانانى الاتاۋ بوكتەرىنەن ارقا توسىنە كوشىرۋدە ەلباسىنىڭ قانداي تاباندىلىق تانىتقانى بەينەلەنەدى. ءاۋ باستا پرەزيدەنت ۇسىنىسى كوپشىلىكتەن قولداۋ تاپپاعان. ونىڭ جۇزەگە اسۋىنا نۇرسۇلتان نازاربايەۆتىڭ قايسارلىعى مەن كورەگەندىگى تىكەلەي سەبەپ بولعانى بارشاعا ايان. قويىلىم استانانىڭ 20 جىلدىق مەرەيتويىنا ارنالعان. ونىڭ سەناريى نۇرسۇلتان نازاربايەۆتىڭ «قازاقستان جولى» كىتابىنىڭ نەگىزىندە جازىلىپتى.
ايتا كەتەيىك، ەلباسىنىڭ كەمەڭگەرلىك كەلبەتى قازاق تەاترىنىڭ ساحناسىندا تۇڭعىش رەت سومدالدى.
«استانانى الماتىدان استاناعا كوشىرۋ قيىن بولعان. قارسىلىق كوپ بولعان. بارلىعى سەنبەگەن دەپ ايتقان. ءبىراق ءبىز ءوزىمىز بىلمەيمىز عوي قالاي بولعانىن. سونى ءبىز قاراپ 1994-جىلدىڭ 6- ماۋسىمى مەن 6- شىلدەسى ارالىعىن الدىق. سوندا بولعان وقيعاعا دەپۋتاتتار قارسى شىققان. سول قارسىلىقتاردىڭ بارلىعىن وسى سپەكتاكلدە كورسەتەمىز. باستى رولدە - ءبىر ادام. ول - پرەزيدەنتتىڭ ءرولى. قالعاندارىنىڭ فاميلياسى جوق. سولاي جاساعانبىز. قالعاندارى جازۋشى، اكتريسا، ستۋدەنت، دەپۋتات - وسىلاي جۇرەدى»، - ق. قوجامياروۆ اتىنداعى مەملەكەتتىك اكادەميالىق ۇيعىر مۋزىكالىق كومەديا تەاترىنىڭ كوركەمدىك جەتەكشىسى مۇرات احماديەۆ.