07:07, 13 - قاراشا 2018 | GMT +6
سەيسەنبىدە اۋا رايى قانداي بولادى؟
استانا. قازاقپارات - اتموسفەرالىق اۋا اعىنداردىڭ وتۋىنە بايلانىستى قازاقستان اۋماعىندا كەي جەرلەردە قار جاۋادى.
تەك باتىستا جانە سولتۇستىك-باتىستا اۋا رايى جاۋىن-شاشىنسىز بولادى، دەپ حابارلايدى قازاقپارات قازگيدرومەتكە سىلتەمە جاساپ.
كەي جەرلەردە تۇمان، ەكپىندى جەل كۇشەيەدى، سولتۇستىكتە جولداردا كوكتايعاق كۇتىلەدى.
تۇركىستان وبلىسىنىڭ كەي جەرلەرىندە تۇمان تۇسەدى، جەل 15-20 م/س كۇشەيەدى، ەكپىنى 23-28 م/س جەتەدى.
قوستاناي، قاراعاندى، شىعىس قازاقستان، تۇندە جانە تاڭەرتەڭ الماتى، جامبىل وبلىستارىنىڭ كەي جەرلەىندە تۇمان بولىپ، جامبىل وبلىسىنىڭ كەي جەرلەرىندە جەل 15-20 م/س سوعادى.
ماڭعىستاۋ، تۇندە اتىراۋ، اقمولا، كۇندىز قىزىلوردا وبلىستارىنىڭ كەي جەرلەرىندە جەل 15-20 م/س كۇشەيەدى. سولتۇستىك قازاقستان وبلىسىنىڭ جولدارىندا كوكتايعاق كۇتىلۋدە.