بۇدان بىلاي جۇرگىزۋشىلەر ايىپ تۇراعىنداعى كولىگىن از ۋاقىتتا اكەتە الادى

الماتى. قازاقپارات - الماتى جۇرگىزۋشىلەرى كولىكتەرىن ايىپ تۇراعىنان از ۋاقىتتا الىپ كەتەتىن بولدى، دەپ حابارلايدى قازاقپارات ءتىلشىسى.

قالالىق جولاۋشىلار كولىگى جانە اۆتوموبيل جولدارى باسقارماسى مەن پوليتسيا دەپارتامەنتى اراسىنداعى ۆەدومستۆوارالىق كوميسسيانىڭ شەشىمىمەن الماتىداعى «كوكجيەك» شاعىناۋدانىنداعى ەڭ ۇلكەن ايىپ تۇراعىندا اكىمشىلىك پوليتسيا بەكەتى اشىلدى.

ەندى قۇقىق بۇزۋشىلار كولىگىن سول جەردە راسىمدەپ الىپ كەتە الادى.

«بۇگىنگى كۇنى كولىكتى قايتارۋ بارلىق قۇقىقتىق پروتسەدۋرالاردى قوسقاندا ۇزاق ۋاقىتتى الادى. ەرتەڭنەن باستاپ جۇرگىزۋشىلەر قۇجاتتارىن سول جەردە راسىمدەپ، كولىگىن اكەتە بەرەدى»، - دەدى باسقارمادان.