استانادا ءبىر باعىتتى جول ۋچاسكەلەرى پايدا بولادى
وسىلايشا، ءبىر باعىتتاعى قوزعالىس بۇقارباي باتىر كوشەسىنىڭ جەڭىس داڭعىلىنان ازەربايجان مامبەتوۆ كوشەسىنە دەيىنگى ارالىعىندا جانە جەلتوقسان كوشەسىنىڭ كەنەسارى كوشەسىنەن بۇقارباي باتىر كوشەسىنە دەيىنگى ارالىعىندا ەنگىزىلمەك. وزگەرىستەر 2018 -جىلدىڭ 15 - قاراشاسىندا، ياعني بەيسەنبى كۇنى كۇشىنە ەنەدى.
بۇل وزگەرىستەر - قالاداعى جول قوزعالىسىن وڭتايلاندىرۋ جۇمىستارىنىڭ ءبىر بولىگى. ول جول جەلىسىنە تۇسەتىن جۇكتەمەنى ازايتۋ ءۇشىن ەنگىزىلىپ وتىر.
بەلگىلەنگەن ۋچاسكەلەرگە ءبىر باعىتتاعى قوزعالىستى ەنگىزۋ اۆتوكولىك اعىندارىنىڭ ۇزدىكسىز قوزعالىسىن قامتاماسىز ەتە وتىرىپ، قارسى اعىنمەن شيەلەنىسۋ نۇكتەلەرىن قىسقارتۋ ارقاسىندا جول- كولىك وقيعالارىنىڭ سانىن ازايتادى.
«اتالعان ۋچاسكەلەردە قاراما- قارسى باعىتتاعى كولىكتەردىڭ قاتىسۋىمەن بىرنەشە رەت جول- كولىك وقيعاسى ورىن العانىن ايتا كەتۋ قاجەت. بۇدان بولەك، اتالعان شارالار بۇل كوشەلەردىڭ كولىك اعىنىن وتكىزۋ قابىلەتىن ارتتىرادى. تالداۋلارعا سايكەس، ءبىر باعىتتاعى قوزعالىس وسىدان بۇرىن ەنگىزىلگەن كوشەلەردىڭ وتكىزۋ قابىلەتى ورتا ەسەپپەن %30 عا ارتقان» دەلىنگەن حابارلامادا.
سونىمەن قاتار، بۇل وزگەرىس ءبىر باعىتتاعى قوزعالىس جەلىسىن قالىپتاستىرا وتىرىپ، بۇعان دەيىن ەنگىزىلگەن ءبىر باعىتتاعى قوزعالىس ۋچاسكەلەرىنىڭ تيىمدىلىگىن ارتتىرادى جانە №1 مەكتەپ- ليتسەيگە جاقىن جولداردا كولىك قوزعالىسى جۇكتەمەسىن ازايتادى.
ەستەرىڭىزگە سالا كەتەيىك، 2018 -جىلدىڭ 27 - قازانىندا تۇرعىنداردىڭ قاتىسۋىمەن ءبىر باعىتتا جول ءجۇرۋدى ەنگىزۋ تۋرالى قوعامدىق تىڭداۋ وتكىزىلدى. قوعامدىق تىڭداۋ بارىسىندا استانا قالاسىنىڭ كولىك جانە جول- كولىك ينفراقۇرىلىمىن دامىتۋ باسقارماسىنىڭ، سارىارقا اۋدانى اكىمشىلىگىنىڭ، استانا قالاسى ءى ءى د اكىمشىلىك پوليتسيا باسقارماسىنىڭ جانە «استانا ل ر ت» ج ش س وكىلدەرى تۇرعىنداردىڭ سۇراقتارىنا جاۋاپ بەردى. سونداي- اق، اۋدان تۇرعىندارىنىڭ پىكىرلەرى تىڭدالىپ، بارلىق ۇسىنىستارى ەسكەرىلدى.