ادامدى كۇيزەلىسكە ۇشىراتاتىن الەۋمەتتىك جەلى انىقتالدى
ساراپشىلار Facebook, Instagram جانە Snapchat تى بەلسەندى قولداناتىن 143 ستۋدەنتتىڭ اراسىندا زەرتتەۋ جۇرگىزدى. ساۋالناما iPhone ستاتيستيكاسىن پايدالانىپ، ولاردىڭ كوڭىل- كۇيىن جانە زەرتتەۋگە دەيىن ءوزىن قالاي سەزىنگەنىن جانە الەۋمەتتىك جەلىلەردە وتكىزەتىن ورتاشا ۋاقىتتى انىقتادى.
وسىدان كەيىن ستۋدەنتتەر ەكى توپقا ءبولىندى. ءبىرىنشى توپ الەۋمەتتىك جەلىلەردى بۇرىنعىداي پايدالاندى. ەكىنشى توپ الەۋمەتتىك جەلىنى كۇنىنە ون مينۋت قولداندى. زەرتتەۋ ءۇش اپتاعا سوزىلدى. زەرتتەۋ اياقتالعاننان كەيىن پسيحولوگتار 7 ينديكاتوردان تۇراتىن ارنايى ساۋالناما دايىندادى: الەۋمەتتىك قولداۋ، قورشاعان ورتانى جوعالتۋ قورقىنىشى، جالعىزدىق، الاڭداۋشىلىق، كۇيزەلىس، ءوزىن- ءوزى باعالاۋى زەرتتەلدى. زەرتتەۋ كورسەتكەندەي، جالعىزدىق پەن كۇيزەلىس الەۋمەتتىك جەلىلەردى پايدالانۋىمەن تىكەلەي بايلانىستى. ەكىنشى توپ مۇشەلەرىندە كۇيزەلىستىڭ بەلگىلەرى ءبىرىنشى توپقا قاراعاندا از بولدى.
زەرتتەۋشىلەردڭ پايىمىنشا، ادام جەلىدە وزگەنىڭ ءومىرىن كورە وتىرىپ، سانالىق سالىستىرۋشىلىققا جول بەرەدى. ياعني، باسقالار مەنەن قاراعاندا جاقسى ءومىر ءسۇرىپ ءجۇر دەگەن سانا قالىپتاسادى. سونىڭ سالدارىنان كۇيزەلىسكە تۇسە باستايدى.
Stan.kz