قازاقستان مەن وزبەكستاننىڭ تۇڭعىش ءوڭىرارالىق ىنتىماقتاستىق فورۋمى وتەدى
بۇل تۋرالى ق ر س ءى م- دە وتكەن اپتالىق بريفينگتە ۆەدومستۆونىڭ رەسمي وكىلى ايبەك سمادياروۆ مالىمدەدى.
«2017 -جىلى ناۋرىزدا وزبەكستان پرەزيدەنتى شاۆكات ميرزيەيەۆتىڭ قازاقستانعا جاساعان مەملەكەتتىك ساپارىندا مەملەكەت باسشىلارى قازاقستان مەن وزبەكستان اراسىنداعى ءوڭىرارالىق ىنتىماقتاستىق فورۋمىن وتكىزۋگە ۋاعدالاسقان ەدى. العاشقى فورۋمدى ەكى ەلدىڭ ۇكىمەت باسشىلارىنىڭ ءبىرىنشى ورىنباسارلارى دەڭگەيىندە وتكىزۋ شەشىمى قابىلداندى»، - دەدى ايبەك سمادياروۆ.
قازاقستان دەلەگاتسياسىن پرەمەر- ءمينيستردىڭ ءبىرىنشى ورىنباسارى اسقار مامين، وزبەكستان تاراپىنان - پرەمەر- ءمينيستردىڭ ءبىرىنشى ورىنباسارى اچيلباي راماتوۆ باسقارادى.
«فورۋم «ونەركاسىپتىك ىنتىماقتاستىق» تاقىرىبىندا وتەدى جانە ونىڭ نەگىزگى ماقساتى - ەكى ەلدىڭ وڭىرلەرى اراسىنداعى ساۋدا- ەكونوميكالىق جانە ينۆەستيتسيالىق ىنتىماقتاستىقتى تەرەڭدەتۋ. سونىڭ ىشىندە، قازاقستان مەن وزبەكستاننىڭ ىسكەر توپتارى مەن وڭىرلەرى اراسىنداعى ءوزارا ءتيىمدى ىنتىماقتاستىقتى ورناتۋ، ەكونوميكانىڭ شيكىزاتتىق ەمەس سەكتورلاردا ەكىجاقتى ىنتىماقتاستىقتى دامىتۋ، ءوڭىرارالىق جانە ترانسشەكارالىق ينۆەستيتسيالار كولەمىن ۇلعايتۋ، ءوزارا ساۋداداعى كەدەرگىلەردى جويۋ جانە قۇقىقتىق بازانى جەتىلدىرۋ»، - دەدى رەسمي وكىل.