ماقپال ءجۇنىسوۆا ساحناعا شىعا سالىپ، ءوزىن «ءانشى» سانايتىن جاستاردى سىنعا الدى

  استانا. قازاقپارات - ماقپال ءجۇنىسوۆا ساحناعا شىعا سالىسىمەن، جۇلدىز اۋرۋىنا شالدىعىپ، ءوزىن «ءانشى» سانايتىن جاستاردى سىنعا الدى. حالىق ءارتيسى حالىققا ەڭبەگى سىڭبەي جاتىپ، كونسەرت بەرۋگە اسىعاتىن جاس تالانتتارعا اقىلىن ايتتى.

بۇل تۋرالى 31 - ارنانىڭ «ايتا بەرسىن» باعدارلاماسى حابارلايدى.

«بىلەمىن، بولدىم، تولدىم دەپ ايتۋدىڭ ءوزى ۇلكەن قاتەلىك. ءبارىمىز دە جاڭادان باستادىق قوي، اسپاننان تۇسكەن جوقپىز. ءبىراق حالىققا ءبىراز ەڭبەگى ءسىڭۋ كەرەك. 10 جىلداي. مەن مىسالى، جەكە كونسەرتىمدى 10 جىلدان كەيىن بەرگەن اداممىن. جەكە كونتسەرت بەرۋ ءۇشىن مەن 10 جىل اۋىل- اۋىلدى ارالاپ، حالىققا ەڭبەگىمدى ءسىڭىردىم.

الماتىدا 1991 -جىلى ءبىرىنشى كونسەرتىمدى بەردىم. سول كەزدە اسقار توقپانوۆ دەگەن رەجيسسەر كىسى باتا بەرىپ، ءارى قاراي جاقسى جولمەن كەتتىم. جاستارعا ايتارىم، اسىقپاڭىزدار. اسىققان شايتاننىڭ ءىسى. قازىر جاستار اسىعىپ جاتىر. اناۋ ءتۇسىردى ما، مەن دە تۇسىرەيىن دەيدى»، - دەيدى حالىق ءارتيسى.