پاريجدە ءۇش جىلعا سوزىلعان تورەلىك داۋ قازاقستاننىڭ پايداسىنا شەشىلدى
2015 -جىلعى ناۋرىز ايىندا «اتىراۋ» ا ك ك» ا ق- مەن بىرلەستىكتە «ا ت م ا» اتىراۋ اۋەجايى جانە تاسىمالداۋ» اق- نىڭ قۇرىلتايىشىسى بولىپ تابىلاتىن كومپانيا قازاقستان رەسپۋبليكاسىنا قارسى تورەلىك پروتسەسكە باستاما جاسادى.
2018 -جىلعى 4 - شىلدەدە پاريج قالاسىنداعى حالىقارالىق ساۋدا پالاتاسىندا نەگىزگى تىڭداۋلار ءوتتى.
«Mağdenli Yer Hizmetleri ve Taşıma Anonim Şirketi» تۇرىك كومپانياسى اتىراۋ حالىقارالىق اۋەجايىن قۇرۋ ارقىلى جانارماي جەتكىزۋ، جۇك قىزمەتى جانە تىكۇشاقتارعا قىزمەت كورسەتۋ بويىنشا قىزمەتتەردى ەكسپروپرياتسيالاۋ بويىنشا ءىس- شارالاردى جۇزەگە اسىردى دەپ قازاقستان رەسپۋبليكاسىن ايىپتاپ، سونداي- اق قازاقستان رەسپۋبليكاسى تالاپكەردىڭ «ا ت م ا» اتىراۋ اۋەجايى جانە تاسىمالداۋ» ا ق- عا سالعان قوسىمشا ينۆەستيتسيالارىن وتەۋى كەرەك دەپ تالاپ ەتتى.
تالاپتاردىڭ سوماسى 16 ميلليون ا ق ش دوللارىن جانە پايىزدار مەن تورەلىك شىعىنداردى قۇرادى.
تاراپتاردىڭ دالەلدەردىن زەردەلەپ، تريبۋنال تالاپكەردىڭ بارلىق تالاپتارىن قابىلداماي تاستادى. تريبۋنالدىڭ قورىتا ايتقانى، قازاقستاننىڭ مەملەكەتتىك ورگاندارى جانارماي جەتكىزۋ، جۇك قىزمەتى جانە تىكۇشاقتارعا قىزمەت كورسەتۋ بويىنشا قىزمەتتەردى ەكسپروپرياتسيالاۋ بويىنشا، سونداي- اق تالاپكەرگە قوسىمشا ينۆەستيتسيالاردى قايتارۋدا كەدەرگى جاساپ، ەشقانداي ارەكەت جاسامادى.
سونىمەن قاتار، تورەلىك تريبۋنالدىڭ اتاپ وتكەنى، قازاقستاندىق سوت جۇيەسى شەتەلدىك ينۆەستورلاردىڭ قۇقىقتارىن بۇزباي، زاڭدىلىق جانە ادىلدىك قاعيداتتارىنا سايكەس ارەكەت ەتتى.
بۇدان باسقا، تريبۋنال قازاقستان رەسپۋبليكاسىنىڭ تالاپكەرگە قوسىمشا ينۆەستيتسيالاردى وتەۋ بويىنشا قانداي دا ءبىر مىندەتتەمەلەرى جوق دەپ قاۋلى ەتىپ، قازاقستان شەتەلدىك ينۆەستيتسيالاردى قورعاۋ بويىنشا حالىقارالىق مىندەتتەمەلەرىن تولىقتاي ورىندادى دەگەن قورىتىندىعا كەلدى.
وسىلايشا، تريبۋنال تالاپكەر شامامەن 500000 ا ق ش دوللارىن قۇرايتىن سوماعا جۇمىستى ۇيىمداستىرۋ ءۇشىن جۇمسالعان جانە تورەلىك شىعىنداردى كوتەرۋى كەرەك دەپ قاۋلى ەتتى.
قازاقستان رەسپۋبليكاسىنىڭ ادىلەت ءمينيسترى مارات بەكەتايەۆتىڭ ايتۋىنشا، «تورەلىك تريبۋنالدىڭ شەشىمى قازاقستاننىڭ اۋماعىندا شەتەلدىك ينۆەستورلاردى جان- جاقتى قولداۋ ساياساتىن بۇرىنعىشا ۇستاناتىن قازاقستان رەسپۋبليكاسىنىڭ پوزيتسياسىن تولىقتاي راستايدى» .