اناسى ۇلدارىنا مۇراعا ميلليون ەۋرو، قىزدارىنا ىدىس-اياق قالدىرعان

 استانا. قازاقپارات - يرلانديادا مۇراگەرلەردىڭ بىرنەشە جىلعا سوزىلعان تالاسىنا نۇكتە قويىلدى.

2013 -جىلى كوز جۇمعان ايەل ۇلكەن ۇلىنا قۇنى 42 مىڭ ەۋرو تۇراتىن جەر، ەكىنشى ۇلىنا قۇنى 3 ميلليون ەۋرو تۇراتىن جەر قالدىرعان.

ءۇشىنشى ۇلىنىڭ ۇلەسى 748,5 مىڭ ەۋرونى قۇراعان. ال ايەلدىڭ ءۇش قىزى بەس مىڭ ەۋرودان العان. سونداي-اق ولارعا ىدىس-اياق پەن اس ءۇي قۇرىلعىلارى قالعان.

ۇلكەن ۇلدىڭ العان مۇراسىنا كوڭىلى تولماي، سوتقا شاعىم تۇسىرگەن. ول 15 جاسىنان اكە- شەشەسىنىڭ فەرماسىندا جۇمىس ىستەگەنىن جانە اناسىنىڭ كوزى تىرىسىندە بۇدان دا كوپ ۇلەس قالدىرۋعا ۋادە ەتكەنىن ايتقان. سوڭىندا سوت ونىڭ شاعىمىن قاناعاتتاندىرىپ، مۇراسىن 1,27 ملن ەۋروعا دەيىن ارتتىرعان. ال قىزدارى بولسا بۇل بولىسكە ەشقانداي شاعىم تۇسىرمەي، مۇراعان قالعان ىدىس-اياقتارىن يەمدەنگەن.

دەرەككوز: سەگودنيا