اقتوبەلىك وقۋشى قىز ديماش قۇدايبەرگەننىڭ لوندونداعى كونسەرتىنە قاتىسادى
«DQ» اتتى جاڭا شوۋ ۇلى بريتانياداعى قازاقستاننىڭ مادەنيەت كۇندەرى اياسىندا وتەدى. كونسەرتتى ق ر مادەنيەت جانە سپورت مينيسترلىگى ۇيىمداستىرىپ وتىر. وعان قازاقستان رەسپۋبليكاسىنىڭ ۇلى بريتانيا مەن سولتۇستىك يرلانديا بىرىككەن كورولدىگىندەگى ەلشىلىگى قولداۋ كورسەتتى.
بيىل جازدا اقتوبە قالاسىندا بالالار بايقاۋى وتكەن بولاتىن. وعان ديماش قۇدايبەرگەن قوناق جانە تاۋەلسىز ساراپشى رەتىندە قاتىسقان. ول ارنايى جۇلدەنى 13 جاسار اقتوبەلىك ءانشى نارگيز جانۇزاقوۆاعا تابىستادى. جاس قىز ءوز ءانىن ءتورت جىل بۇرىن دۇنيەدەن وتكەن اكەسىنە ارناعان ەدى. ديماشتىڭ ءسوزى بويىنشا تاڭداۋ جاساۋ وڭايعا سوقپادى جانە ول قاتىسۋشىلاردىڭ ونەرىنە ءتانتى بولدى. ديماشتىڭ الەمدىك تۋرنە اياسىنداعى جەكە كونسەرتتەرىنىڭ بىرىنە قاتىسۋ مۇمكىندىگى ءدال وسى نارگيزعا بۇيىردى.
ورىنداۋشى ءوز ۋادەسىندە تۇردى. 19 -قاراشادا لوندوندا نارگيز جانۇزاقوۆا «Indigo at the O2» كونسەرت زالىنىڭ ساحناسىندا «استانا - ەلىمنىڭ جۇرەگى» ءانىن ورىندايدى. وسىلايشا بۇل قازاقستاننىڭ جاس تالانتتارىن قولداۋ مەن دامىتۋعا قوسقان تاعى ءبىر ۇلەسى بولماق.
ەسكە سالا كەتسەك، بۇل كەش ق ر مادەنيەت جانە سپورت مينيسترلىگىنىڭ جاس تالانتتاردى قولداۋ باعدارلاماسى اياسىندا ۇيىمداستىرىلىپ وتىر.
10 جىل ىشىندە باعدارلاما 1000-نان استام جاس دارىننىڭ حالىقارالىق دەڭگەيدەگى بايقاۋلارعا قاتىسۋىنا سەپتىگىن تيگىزدى. باعدارلاماعا شىعارماشىلىقتىڭ ءارتۇرلى سالاسىنىڭ وكىلدەرى قاتىسا الادى: سۋرەتشىلەر، مودەلدەر، سانگەرلەر، انشىلەر، مۋزىكانتتار.