سىراحاناداعى ۇرلىعى ءۇشىن ق ر مادەنيەت جانە سپورت مينيسترلىگىنىڭ بۇرىنعى جاۋاپتى حاتشىسى سوتتالدى

استانا. قازاقپارات - ق ر مادەنيەت جانە سپورت مينيسترلىگىنىڭ بۇرىنعى جاۋاپتى حاتشىسى قوبىلاندى مۋسين استانادا 3 جىلعا باس بوستاندىعىنان شەكتەۋ جازاسىنا كەسىلدى.

سوت مۋسيندى قوماقتى كولەمدە جاساعان ۇرلىعى ءۇشىن كىنالى دەپ تانىپ، 3 جىلعا باس بوستاندىعىنان شەكتەۋ جازاسىن تاعايىندادى. سونىمەن قاتار ول جىل سايىن 100 ساعاتقا ءماجبۇرلى تۇردە ەڭبەككە تارتىلادى، دەپ حابارلايدى Sputnik.

سونداي-اق، ول جابىرلەنۋشى تاراپقا 1,8 ميلليون تەڭگە كولەمىندە ماتەريالدىق شىعىن جانە مەملەكەتتىك باج سالىعى رەتىندە 18 مىڭ تەڭگە تولەۋى ءتيىس.

ەسكە سالا كەتسەك، بيىلعى جىلدىڭ جازىندا ەلوردالىق سىراحانادا ايەلدىڭ سومكەسىنەن قوماقتى كولەمدە اقشا ۇرلانعان ەدى. وسىعان قاتىستى ونىمەن تانىس بولعان مادەنيەت جانە سپورت مينيسترلىگىنىڭ بۇرىنعى جاۋاپتى حاتشىسى قوبىلاندى مۋسين كۇدىككە ءىلىندى. مۋسين سوت وتىرىسى بارىسىندا ميلليون ەمەس، تەك 4500 تەڭگە العانىن ايتتى.