قازاقستاندا اياز كۇشەيدى
جەكسەنبى كۇنى اۋا تەمپەراتۋراسى وسى ماۋسىمداعى قالىپتى كۇن رايىنان 3.. .8°س تومەن بولدى، ال سولتۇستىك جانە شىعىس وبلىستاردا 10.. .15°س تومەندەدى.
تەك قيىر وڭتۇستىك پەن وڭتۇستىك-شىعىستا جىلى بولدى. ءبىراق، انتيتسيكلوننىڭ شىعىسقا اۋىسۋى مەن سۋىقتىڭ كەلۋىنە بايلانىستى وسى اۋدانداردا دا الداعى تاۋلىكتەردە ايتارلىقتاي سۋىق بولۋى مۇمكىن.
سوندىقتان الداعى ءۇش تاۋلىكتە انتيتسيكلوننىڭ ىقپالىمەن قازاقستان اۋماعىنىڭ باسىم بولىگىندە سۋىق جانە جاۋىن-شاشىنسىز اۋا رايى بولادى. ءبىراق، 15- قاراشادا كۇندىز اۋا تەمپەراتۋراسى ازداپ جوعارىلاۋى مۇمكىن.
12- قاراشادا ماڭعىستاۋ وبلىسىنىڭ كەي جەرلەرىندە بۇرقاسىن، كوكتايعاق بولادى. داۋىلدىڭ ىقتيمالدىلىعى %90-95.
12- قاراشا كۇندىز، 13 قاراشادا تاۋلىك بويى تۇركىستان وبلىسىنىڭ كەي جەرلەرىندە شىعىستان جىلدامدىعى 15-20، ەكپىنى 23-28 م/س بولاتىن جەل سوعادى. داۋىلدىڭ ىقتيمالدىلىعى %90-95.