قادىر مەن تۇمانباي «حالىق جازۋشىلارى» اتانعان كۇن
ازىلدەرى جاراسقان، تۇيەدەي قۇرداس قوس تالانت ىلگەرىندى-كەيىندى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن ءتامامداعان. ءبىرى بالالارعا ارنالعان ولەڭىمەن، ەكىنشىسى «ستۋدەنت داپتەرى» دەپ اتالاتىن پىشاقتىڭ قىرىنداي جيناعىمەن ولەڭ تابالدىرىعىنان اتتاعاننان-اق جىرسۇيەر قاۋىمدى ەلەڭ ەتكىزدى.
قوس الىپتىڭ ءبىرى - «ويلى اقىن» ەڭبەك جولىن سول كەزدە جاڭادان اشىلعان بالالار جۋرنالى «بالدىرعاننان» باستاپ، «جۇلدىز» جۋرنالى رەداكسياسىندا پوەزيا جانە سىن ءبولىمىنىڭ مەڭگەرۋشىسى، جاۋاپتى حاتشى، باس رەداكتوردىڭ ورىنباسارى، 1968-1973-جىلدارى «جازۋشى» باسپاسىندا قازاق پوەزياسى ءبولىمىنىڭ مەڭگەرۋشىسى سىندى ءتۇرلى لاۋازىمدى قىزمەتتەردى اتقارسا، ەكىنشىسى - «ليريك اقىن» ەڭبەك جولىن «لەنينشىل جاس» (قازىرگى «جاس الاش») گازەتىندە ادەبي قىزمەتكەر بولۋدان باستاپ، 1956-1959 جىلدارى «پيونەر» جۋرنالىندا ادەبي قىزمەتكەر، 1959- 1971 جىلدارى «جازۋشى» باسپاسىندا رەداكتور، اعا رەداكتور، 1971-1973 جىلدارى «بالدىرعان» جۋرنالىندا جاۋاپتى حاتشى سىندى ت. ب قىزمەتتەر اتقارعان.
قادىر مىرزا الىگە 1966-جىلى «وي ورمانى» جيناعى ءۇشىن قازاقستان لەنين كومسومولىنىڭ سىيلىعى بەرىلسە، تۇمانباي مولداعاليەۆكە 1968 -جىلى «جاڭا داپتەر» جيناعى ءۇشىن رەسپۋبليكا كومسومولى سىيلىعى بەرىلدى. قوس الىپ تا 2011-جىلى ومىردەن ءوتتى. 2017-جىلدىڭ قاراشا ايىندا قوس قالامگەرگە الماتىدان كوشە اتاۋلارى بەرىلدى.
Massaget.kz