تاشكەنت بولاشاقتا ادام تانىماستاي وزگەرمەك

استانا. قازاقپارات - ءتىپتى ورتالىق ازياداعى اقىلدى قالالاردىڭ بىرىنە اينالادى. بۇل تۋرالى كونە شاھاردىڭ ۇزاق جىلدارعا نەگىزدەلگەن ستراتەگيالىق دامۋ جوباسىن تانىستىرۋ بارىسىندا ايتىلدى.

«بۇل قۇجات تاشكەنتتىڭ ەكونوميكاسىن كوتەرىپ، قالانى جاڭاشا حالىقارالىق دەڭگەيگە شىعاراتىن ءىرى ترانسفورماتسيالىق وزگەرىستەرگە نەگىز بولماق»، -  دەيدى جوبا اۆتورلارى.

كەشەندى باعدارلاما نەگىزگى التى باعىتقا بولىنگەن. اكىمشىلىك رەفورمادان باستالاتىن وزگەرىستەر جاسىل قالانىڭ ەكولوگيالىق احۋالىن ساقتاپ قالۋمەن اياقتالادى. اسىرەسە كونە شاھاردىڭ تۇرعىن- ءۇي قوممۋنالدىق شارۋاشىلىق جۇيەسىن جاقسارتۋعا ەرەكشە ءمان بەرىلگەن.

«ستراتەگيالىق جوسپاردى ءتۇزۋ بارىسىندا ءبىرقاتار شەتەلدىك ساراپشىلار مەن كورشىلەردىڭ تاجىريبەسىنە جۇگىندىك»، -  دەيدى ماماندار.

جوباداعى ەڭ ۇلكەن جانە اۋقىمدى جۇمىس ول «تاشكەنت سيتي» قالاشىعى بولماق. مۇندا زامان تالابىنا ساي حايتەك ستيلىندەگى ءزاۋلىم عيماراتتار بوي تۇزەدى.

تەمۋر ابدۋكايۋموۆ، جوبا مەنەدجەرى:

- تاشكەنتتى 2025 جىلعا قاراي قانداي قالا رەتىندە كورگىمىز كەلەدى دەگەن تۇرعىدا الىپ قارايتىن بولساق، وندا حالىقتىڭ 90 پايىزعا جۋىعىنىڭ ويى ءبىر جەرگە توعىسارى انىق. ءبىز قالامىزدىڭ زاماناۋي بولعانىن قالايمىز. وعان قوسا ينۆەستورلارعا قۇشاق جايا قارسى الىپ، تيىسىنشە شەتەلدىڭ قالتالى ازاماتتارىنىڭ بىزگە قۋانا كەلگەنىن قالايمىز.

www.24.kz