عالىمدار كەش تاماقتانۋدىڭ قاۋىپتى ەكەنىن انىقتادى

استانا. قازاقپارات - كەش تاماقتانۋ ادامنىڭ بيولوگيالىق ىرعاعىنىڭ بۇزىلۋى سالدارىنان جۇرەك-قان تامىرلارى اۋرۋى مەن ديابەتكە اكەلىپ سوقتىرۋى مۇمكىن.

امەريكا كارديولوگيالىق قاۋىمداستىعىنىڭ عالىمدارى وسىنداي تۇجىرىم جاساعان. سايكەس زەرتتەۋ LiveScience پورتالىندا جاريالاندى، دەپ حابارلايدى قازاقپارات.

ەكسپەريمەنت 18-76 جاس ارالىعىنداعى 12,7 مىڭ لاتىن امەريكالىققا جۇرگىزىلگەن مەديتسينالىق تەكسەرۋ ناتيجەسىنە نەگىزدەلگەن. ونىڭ بارىسىندا دارىگەرلەر ەكى كۇن بويى ولاردىڭ دەنساۋلىعى مەن تاماقتانۋ ۋاقىتىن سالىستىرعان.

زەرتتەۋشىلەر ەكسپەريمەنتكە قاتىسىپ جاتقانداردىڭ باسىم بولىگىنىڭ 18.00 دەن كەيىن تاماقتاناتىندىعىن انىقتاعان. سونىڭ سالدارىنان ولاردا قانت دەڭگەيى جانە قانداعى ينسۋلين جوعارى بولعان.

كەش تاماقتانۋدى ۇناتاتىنداردىڭ %19 ديابەتالدى جانە %23 گيپەرتونيا دامۋىنا بەيىم.

زەرتتەۋدىڭ اۆتورى، پوستدوكتورانت نۋر ماكارەمنىڭ پىكىرىنشە، بۇل سالاۋاتتى ەمەس ءومىر سالتى سالدارىنان ادامنىڭ بيولوگيالىق ىرعاعىنىڭ بۇزىلۋىمەن تۇسىندىرىلەدى. سونىڭ سالدارىنان زات الماسۋ بۇزىلىپ، سوزىلمالى اۋرۋلار قاۋپى جوعارىلايدى.