قازاق قىزى ءۇندىستانداعى سۇلۋلىق بايقاۋىنىڭ جەڭىمپازى اتاندى
بۇل تۋرالى «Vەlada» مودەلدىك اگەنتتىكتىڭ PR قىزمەتىنە سىلتەمە جاساعان NUR. KZ حابارلايدى.
بايقاۋ قاراشانىڭ ەكىسى مەن ونى ارالىعىندا ءۇندىستاننىڭ كوچين قالاسىندا وتكەن. «Miss Asia» اتاعىنا 25 ەلدەن كەلگەن ارۋ تالاسقان.
بۇل اسەمنىڭ حالىقارالىق دەڭگەيدەگى ءبىرىنشى جەڭىسى. سونىمەن قاتار ول «ەڭ ادەمى شاش» نوميناتسياسىندا ۇزدىك اتاندى.
بۇل بايقاۋ سۇلۋلىق الەمىندەگى ەڭ بەدەلدى سايىس سانالادى. بايقاۋ 50 جىلدان بەرى وتكىزىلىپ كەلەدى.
اسەم جەڭىمپاز رەتىندە العان ۇتىس سوماسىنىڭ ءبىر بولىگىن شۇعىل وپەراتسياعا مۇقتاج جەرگىلىكتى بالالارعا بەرۋدى ءجون كورگەن.
ايتا كەتەيىك، اسەم ەسەنگەلديەۆا ابىلاي اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ ءۇشىنشى كۋرس ستۋدەنتى. مودەلدىك بيزنەسپەن اينالىسادى، «Velada» اگەنتتىگىندە مودەل بولىپ جۇمىس ىستەيدى.
بويجەتكەن «ىلە اۋدانى ارۋى -2015» اتاعىن جەڭىپ العان. سونىمەن قاتار «الماتى ارۋى - 2016»، «ق ح ق ج ا ت ۋ ارۋى 2017»، «75 جىلدىق ارۋى»، «پاراسات ارۋى-2017»، «توپ مودەل-2017» بايقاۋلارىنا قاتىسقان. سونداي-اق، «ت م د ارۋى-2018» بايقاۋىندا ءبىرىنشى ۆيتسە-ارۋى اتاعىنا يە بولعان.
اسەم «Victoria's Secret» برەندىنىڭ مودەلى اتانۋدى ارماندايدى ەكەن. ارمانىن جۇزەگە اسىرۋ ءۇشىن بويجەتكەن بارىن سالۋدا.
ول بوس ۋاقىتىندا كىتاپ وقۋدى ۇناتادى. ءان سالىپ، ساداق اتۋمەن اۋەستەنەدى. ءارتۇرلى كرەاتيۆتى جوبالارعا قاتىسقاندى ۇناتادى ەكەن.