وليمپيادانىڭ ەكى دۇركىن كۇمىس جۇلدەگەرى ادىلبەك نيازىمبەتوۆ سپورتتىق جولىن اياقتادى

استانا. قازاقپارات -2012 جانە 2016-جىلدارى وليمپيادا ويىندارىنىڭ كۇمىس جۇلدەگەرى بولعان، بۇرىنعى الەم جانە ازيا چەمپيونى ادىلبەك نيازىمبەتوۆ سپورتتىق جولىن اياقتاۋ تۋرالى شەشىم قابىلدادى.

بۇل جايلى بوكستان ۇلتتىق قۇرامانىڭ باس باپكەرى مىرزاعالي ايتجانوۆ ءمالىم ەتتى، دەپ حابارلايدى sports.kz.

«ءيا، ادىلبەك بىزبەن اقىلداسقاننان كەيىن وسىنداي شەشىم قابىلدادى. ول كوپ جىلدار بويى قازاقستان قۇراماسىندا ونەر كورسەتتى. جەڭىستەرى دە از ەمەس. قازاقستان جالاۋىن كوككە كوتەردى. ونىڭ جاراقاتتارى بار، ەمدەۋ ءۇشىن ۋاقىت قاجەت. ال سپورتشىنىڭ دەنساۋلىعى بارىنەن دە جوعارى»، - دەدى مىرزاعالي ايتجانوۆ.