سەمەيدە قارجى پيراميداسى ديرەكتورىنىڭ جازاسى ۇزارتىلدى

None
None
سەمەي. قازاقپارات - سەمەيدە «قارجى ينۆەست ل ت د» ج ش س ينۆەستيسيالىق كومپانياسىنىڭ ديرەكتورىنا قاتىستى تاعى ۇكىم شىقتى.

سوت ونىڭ جازاسىن 6 ايعا ۇزارتتى، دەپ حابارلايدى قازاقپارات.

سەمەيدە قارجى پيراميداسىنا بايلانىستى ايىپتالعان ينۆەستيتسيالىق كومپانيانىڭ ديرەكتورى دانا تاحيروۆاعا قاتىستى تاعى سوت وتىرىسى ءوتتى. اعىمداعى جىلدىڭ 19 -شىلدەسىندە سەمەي قالالىق № 2 -سوتى ونى 7 جىلعا باس بوستاندىعىنان ايىرىپ، جاپا شەككەن 176 ادامنىڭ 54 ىنە 27 ميلليون تەڭگەنى ءوندىرىپ بەرۋ تۋرالى شەشىم شىعارعان.

الايدا الاياق ايەلدىڭ ارباۋىنا تۇسكەن قالا تۇرعىندارىنان كەلىپ تۇسكەن شاعىم توقتاماعان. شامامەن 300 ادام ارىز بەرگەن. الايدا سوت وتىرىسى كەزىندە ولاردىڭ تەك 244 ى عانا قاجەتتى قۇجاتتارىن كورسەتىپ، وزدەرىنىڭ شىعىندارىن دالەلدەي الدى. شىعىن كولەمى 42 ميلليون 354 مىڭ تەڭگە.

قىلمىستىق ءىستى قاراعان سەمەي قالاسىنىڭ №2 -سوتى قارجى پيراميداسىنىڭ ديرەكتورى د. تاحيروۆاعا ەكىنشى سوت ۇكىمىن شىعاردى.

«بۇعان دەيىن 7 جىلعا باس بوستاندىعىنان ايىرىلعان جازاسىنىڭ ۇستىنە تاعى 6 اي قوسىلدى. ءبىراق سوت ونىڭ 4 كامەلەتتىك جاسقا تولماعان بالاسى بارىن ەسكەرىپ، قاۋلىنى 5 جىلعا كەيىنگە شەگەردى»، - دەدى سوتتىڭ باسپا ءسوز قىزمەتىنەن.

ەسكە سالا كەتەيىك، 2018 -جىلدىڭ 14 -اقپانى كۇنى سەرىكتەستىك ديرەكتورىنا قاتىستى ق ر قىلمىستىق كودەكسىنىڭ 217 -بابى (قارجىلىق (ينۆەستيسيالىق) پيراميدانى قۇرۋ جانە وعان باسشىلىق ەتۋ) جانە 190 بابى (الاياقتىق) بويىنشا قىلمىستىق ءىس قوزعالعان بولاتىن.

اتاپ ايتقاندا، «قارجى ينۆەست» ج ش س 3 جىل ىشىندە تۇرعىنداردىڭ سەنىمىنە كىرىپ، سوڭىندا سان سوقتىرىپ كەتكەن. كومپانيادان اقشاسىن ۇستەمەلەپ الۋعا قىزىققان ادامدار بانكتەردەن ءتىپتى 1 ميلليون تەڭگەگە دەيىن نەسيە راسىمدەپ، ويلانباستان وتكىزە بەرگەن. العان اقشانىڭ 40 پايىزىن كومپانياعا بەرسە، قالعانى ءوز قالتاسىندا قالعان. ال راسىمدەگەن نەسيەنى كومپانيا تولەپ وتىرعان. العاشىندا تۇرعىنداردىڭ نەسيەسىن ۋاقىتىمەن تولەپ، سەنىمگە كىرگەن. تۇرعىندار الدانعاندارىن كەيىن بانك نەسيەنى تولەۋدى تالاپ ەتكەن ۋاقىتتا ءبىر-اق بىلگەن.

سوڭعى جاڭالىقتار