20:02, 08 - قاراشا 2018 | GMT +6
استانادا ۇرى ماڭگىلىك ەل مونۋمەنتىنىڭ جانىندا تۋتۇعىر ۇرلاماق بولدى
استانا. قازاقپارات - پوليتسەيلەر تۋتۇعىردىڭ مەتالل بولىگىن ۇرلاماق بولعان جىگىتتى ۇستادى، دەپ حابارلايدى استانا پوليتسياسى دەپارتامەنتىنىڭ باسپا ءسوز قىزمەتىنەن.
وقيعا 7 -قاراشا كۇنى ماڭگىلىك ەل داڭعىلىندا بولدى.
ۇستالعان ەر ادام پوليتسيا بولىمىنە جەتكىزىلدى. ول 21 جاستاعى جەرگىلىكتى تۇرعىن بولىپ شىقتى. بۇعان دەيىن قۇقىق بۇزۋشىلىق جاساعانى ءۇشىن قىلمىستىق جاۋاپكەرشىلىككە تارتىلعانى انىقتالعان.
اتالعان فاكتى بويىنشا ق ر ق ك 188-بابى («ۇرلىق») بويىنشا سوت الدىنداعى تەرگەۋ امالدارى جۇرگىزىلىپ جاتىر. جىگىتتىڭ قالا اۋماعىندا بۇرىن جاساعان قىلمىستارعا قاتىسى تەكسەرىلۋدە.