ۇنەمدەۋدى قالاي ۇيرەنەمىز؟

 استانا. قازاقپارات - «جەتكىلىكتى مولشەردە جالاقى الامىن» دەيتىن ادامدى جولىقتىرۋ وتە قيىن. كوپ جاعدايدا تاپقان اقشاڭىز قانداي دا ءبىر سەبەپتەرگە بايلانىستى ەكى اپتاعا عانا جەتەدى. ناتيجەسىندە كەلەسى جالاقى العانشا قارىز الۋعا ءماجبۇر بولاسىز.

ال، سول تاپقان اقشانى قالاي ۇنەمدەۋگە جانە جيناۋعا بولادى؟ ەگەر ايلىق كىرىسىڭىز كوپ بولماسا، قايعىرۋعا اسىقپاڭىز. كوبى ءبىر جالاقىدان كەلەسىسىنە دەيىن ءومىر سۇرەدى، ال قارىز -  قاراپايىم قۇبىلىس. بارلىق اقشانى قۇرتۋ ادەتى - جالپى ادامزاتقا ءتان قاسيەت.

ەندەشە ونى باسقا ادەتپەن اۋىستىرۋ كەرەك. از كىرىستىڭ وزىنەن اقشانىڭ ءبىر بولىگىن ساقتاپ قويۋعا بولادى.

1. نە ءۇشىن قاراجات جيناعىڭىز كەلەدى؟ ماقسات قويىڭىز. ارماندارىڭىزدى ەسكە ءتۇسىرىڭىز، ونىڭ ىشىندە قايسىسى ءۇشىن شىداپ جۇرە الاسىز؟ ايتپەسە، سەبەپ جوعالىپ، جينالعان قاراجات بەكەرگە جۇمسالىپ كەتەدى.

2. كەز كەلگەن كىرىستەن ەش سىلتاۋسىز اقشا ءبولىپ وتىرىڭىز. %5-10 جەتكىلىكتى. ءسوزسىز، ادام ءومىرى ءاردايىم فورس- ماجوردان تۇرادى، ءبىراق ءبارى دۇرىس بولسا، ەرەجەنى مۇلتىكسىز ورىنداڭىز.

3. ەڭ دۇرىسى، بانكتەن جوعارى پروتسەنتى بار دەپوزيت اشىڭىز. اشقان شوتىڭىز قولجەتىمسىز بولعانى ماڭىزدى، ياعني سالعان اقشاڭىزدى وڭاي الا الماۋىڭىز كەرەك.

4. ەگەر كرەديت العان بولساڭىز، ونى تولەپ بىتىرگەن سوڭ، سول كرەديتكە سالعان قاراجاتتى دەپوزيتكە سالىپ جۇرە بەرىڭىز.

5. ەگەر ادەمى، ۇلكەن جانە قىمبات بىردەڭە العىڭىز كەلىپ تۇرسا، ونى ساتىپ الۋدى بىرنەشە اپتاعا شەگىندىرىڭىز. ول ۋاقىتقا دەيىن بۇل تىلەگىڭىزدەن اينىپ قالۋىڭىز مۇمكىن.

6. مىندەتتى تۇردە كۇندەلىك جازىپ ءجۇرىڭىز. مىسالى، 1 اپتا بويىنا نە ساتىپ العانىڭىزدى جازىپ وتىرىڭىز.

اپتانىڭ سوڭىندا بارلىق شىعىندارعا اناليز جاساپ، قانداي شىعىنداردان باس تارتۋ كەرەكتىگىن انىقتاڭىز.

Massaget.kz