+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ابىلاي حانعا، ۇكىلى ىبىرايعا قاتىستى قۇجاتتار كورمەگە قويىلدى

6 قاراشا 20:19
:ءبولىسۋ
ابىلاي حانعا، ۇكىلى ىبىرايعا قاتىستى قۇجاتتار كورمەگە قويىلدى

پەتروپاۆل. قازاقپارات - پەتروپاۆل قالاسىندا «سولتۇستىكتىڭ قازىناسى: بىرەگەي مۇراعاتتىق قۇجاتتارداعى تاريح» اتتى كورمە ءوتىپ جاتىر. سولتۇستىك قازاقستان مەملەكەتتىك مۇراعاتى ۇيىمداستىرعان كورمەگە كوپتەگەن تاريحي، سونىڭ ىشىندە ابىلاي حانعا، ۇكىلى ىبىرايعا قاتىستى بىرەگەي قۇجاتتار قويىلعان، دەپ حابارلايدى قازاقپارات.

كورمە بەس بولىمنەن تۇرادى: «تاۋەلسىزدىك تۋىن كوتەرگەن ابىلاي حان»، «تاريح تۇلعالارى»، «پەتروپاۆلدىڭ تاريحى ساۋلەت ەسكەرتكىشتەرى فوتوسۋرەتتەردە»، «قىزىلجاردىڭ ۇلت زيالىلارى» جانە «سولتۇستىك قازاقستان وبلىسىنىڭ كيەلى جەرلەرى».

كورمەدە جۇرت نازارىنا ۇسىنىلا بەرمەيتىن اسا قۇندى قۇجاتتارمەن تانىسۋعا بولادى. سونىڭ ءبىرى - ابىلاي حاننىڭ قىتاي يمپەراتورىنا جازعان حاتىنىڭ كوشىرمەسى. وبلىستىق ارحيۆتىڭ ديرەكتورى ساۋلە مالىكوۆانىڭ ايتۋىنشا، ابىلاي حان تسيانلۋنعا سايگۇلىكتەردى سىيعا تارتىپ، ۇساق مالداردى ساتۋعا رۇقسات سۇراعان ەكەن. بۇل قۇجات بەيجىڭنىڭ №1-ارحيۆىنەن اكەلىنگەن.

«ق ر ۇلتتىق عىلىم اكادەمياسىنىڭ اكادەميگى، تاريح عىلىمدارىنىڭ دوكتورى، پروفەسسور مەرۋەرت ابۋسەيىتوۆا پاريجدە يتاليالىق قىلقالام شەبەرى دجۋزەپپە كاستيلونيدىڭ «قازاقتاردىڭ ات سىيلاۋى» اتتى سۋرەتىن كورەدى. ول كەزىندە ساراي سۋرەتشىسى بولعان ەكەن. وسى سۋرەتكە ابىلاي حاننىڭ سىيلىعى نەگىز بولۋى مۇمكىن دەپ جورامالدايمىز»، - دەيدى ساۋلە مالىكوۆا.

كورمەگە سونداي-اق، تاريحي اسا قۇندى قۇجاتتار - ابىلايدى حان رەتىندە بەكىتۋ پاتەنتى، ابىلاي حان رەزيدەنسياسىنىڭ جوسپارى، ۇكىلى ىبىرايدىڭ بوستاندىق تۋى گازەتىنە جازعان «ابىلايدىڭ اق ءۇيى» اتتى ولەڭىنىڭ ءتۇپنۇسقاسى قويىلعان.

فوتوقۇجاتتاردان 1894 -جىلى 11 -شىلدەدە پەتروپاۆل ستانساسىنا ترانس ءسىبىر تەمىرجولى ارقىلى العاشقى پويىزدىڭ كەلگەنىن جانە پەتروپاۆل - كوكشەتاۋ تەمىرجولىنىڭ قۇرىلىسىن كورۋگە بولادى.

كورمە قاراشانىڭ 15 ىنە دەيىن جۇمىس ىستەمەك.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات