شەتەل قازاقتارى استانادا باس قوستى
«قاسيەتتى قازاق ەلى» اتتى تاقىرىپپەن وتكەن كەزدەسۋگە 10 ەلدەن 35 وتانداسىمىز قاتىستى. ونىڭ ىشىندە وزبەكستان، قىرعىزستان، تۇركيا، قىتاي جانە تاعى باسقا ەلدەر بار.
«بار قازاقتىڭ ءبىر عانا وتانى بار، ول - قازاقستان. ءبىزدىڭ بۇگىنگى سانىمىز - 16 ميلليون. ونىڭ 12 ميلليونى - ەلىمىزدە، قالعان 4 ميلليونى شەتەلدە تۇرادى. جالپى 44 مەملەكەتتە قازاقتار بار، نەگىزگى شوعىرى قىتاي، وزبەكستان جانە رەسەيدە ورنالاسقان. ەلباسىنىڭ تاپسىرماسىنا سايكەس، ءبىز شەتەلدەگى وتانداستارىمىزعا قولداۋ كورسەتىپ قانا قويماي، ولارمەن تىعىز قارىم-قاتىناس ورناتۋىمىز كەرەك. بۇگىنگى شارا - سونىڭ دالەلى»، - دەدى دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ.
جيىن اياسىندا «الىستاعى اعايىن» دەرەكتى فيلمىنىڭ تۇساۋكەسەرى ءوتتى. وندا ⅩⅩ عاسىردىڭ 30-50 -جىلدارى تاعدىر تاۋقىمەتىمەن تۇركياعا كوشىپ بارعان التاي قازاقتارىنىڭ تاعدىرى باياندالادى.
«تاريحي فيلمدەگى وقيعانى باستان-اياق بايانداۋشى تۇركيا قازاعى مانسۇر اقساقال بۇگىندە 75 جاستا. التاي كوشىن ونىڭ اكەسى باستاپ بارعان، ول كەزدە اقساقال 7 جاستا بولعان. ءوزىنىڭ ايتۋىنشا، التاي قازاقتارى 9 ايدىڭ ىشىندە 3 مىڭنان استام شاقىرىمدى جاياۋ-جالپىلى باعىندىرىپ، گيمالاي تاۋىن باسىپ ءوتىپ، تۇركياعا جەتكەن. فيلمدى كۇنى كەشە عانا بىتىردىك. شەتەلدە تۇراتىن قازاقتاردىڭ تاعدىرى ءارتۇرلى. ال، مىنا قازاقتاردىڭ باستان كەشكەنى - بولەك اڭگىمە. تاريحي تۋىندى ارحيۆ ماتەريالدارىمەن قۇندى. وسى ماقساتتا ءبىز قىتاي، ۇلى بريتانيا ارحيۆتەرىمەن بىرلەسىپ جۇمىس ىستەدىك. وتانداستارىمىزدى قولداۋعا باعىتتالعان جۇمىستار مۇنىمەن بىتپەيدى»، - دەدى ز. تۇرىسبەكوۆ.
ونىڭ ايتۋىنشا، «الىستاعى اعايىن» فيلمىنىڭ ا ق ش-تا تۇراتىن قازاقتاردىڭ تاعدىرىنا ارنالعان ءبولىمى قازىر دايىندىق ۇستىندە.
ايتۋلى شارا دۇنيە ءجۇزى قازاقتارى قاۋىمداستىعى مەن «وتانداستار» قورىنىڭ ۇيىمداستىرۋىمەن ءوتىپ وتىر.
ەسكە سالساق، بيىل پرەزيدەنتتىڭ شەتەلدەگى قازاقتاردى قولداۋ بويىنشا بەرىلگەن تاپسىرمالارى نەگىزىندە دۇنيەجۇزى قازاقتارىنىڭ قاۋىمداستىعى جانىنان «وتانداستار» قورى قۇرىلعان بولاتىن. قور شەتەلدەگى جانە قازاقستانعا كوشىپ كەلگەن ەتنيكالىق قازاقتاردى قولداۋ ماقساتىندا قۇرىلدى.