دميتري مەدۆەدەۆ استاناداعى كەزدەسۋ كەزىندە ەرەكشە گالستۋگىمەن كوزگە ءتۇستى

استانا. قازاقپارات - رەسەي ۇكىمەتى باسشىسى دميتري مەدۆەدەۆ استاناعا ت م د ۇكىمەت باسشىلارىنىڭ كەڭەسىنە كەلدى.

مەدۆەدەۆتىڭ ەرەكشە گالستۋگى جۋرناليستەردىڭ نازارىن ەرىكسىز اۋداردى.

مەدۆەدەۆتىڭ قويۋ ءتۇستى گالستۋگىندە قاۋىرسىننىڭ سۋرەتى بەينەلەنگەن. پيدجاگى جابىق تۇرعاننىڭ وزىندە گالستۋكتاعى قاۋىرسىن سۋرەتى انىق كورىنىپ تۇر، دەپ جازادى Stan.kz اقوردانىڭ رەسمي سايتىنا سىلتەي وتىرىپ.

وزگە ارىپتەستەرى كوزگە تۇسەر كيىم كيگەن جوق. قازاقستان ۇكىمەتىنىڭ باسشىسى باقىتجان ساعىنتايەۆ كوك ءتۇستى گالستۋك تاقتى. تاجىكستان ۇكىمەتى باسشىسى كوحير راسۋلزادا قويۋ فيولەتتى ءتۇستى، بەللورۋسسيا ۇكىمەتىنىڭ باسشىسى سەرگەيا رۋماس اق-كوك سىزىقتى گالستۋك تاقتى. ال، وزبەكستان ۇكىمەتىنىڭ باسشىسى ابدۋللا اريپوۆ ءتۇرلى ءتۇستى الا گالستۋك تاعىپ شىقتى.

كەڭەس الدىندا كەڭەس دەلەگاتسياسىنىڭ جەتەكشىلەرى قازاقستان پرەزيدەنتى نۇرسۇلتان نازاربايەۆپەن كەزدەسكەن ەدى.

ت م د ەلدەرىنىڭ دەلەگاتسيالارىنىڭ باسشىلارىن قارسى العاننان كەيىن قازاقستان پرەزيدەنتى دوستاستىق مەملەكەتتەرىنىڭ ىنتىماقتاستىعىن نىعايتۋ بويىنشا كەڭەستىڭ ەرەكشە ماڭىزدىلىعىن اتاپ ءوتتى.

«بۇگىن سىزدەر ۇكىمەت باسشىلارى كەڭەسىنىڭ كەزەكتى وتىرىسىنا قاتىساسىزدار. كەزدەسۋدىڭ كۇن تارتىبىنە 15 ناقتى پراكتيكالىق ماسەلەلەر كىردى. بۇل شارا ءوزارا ءتيىمدى قارىم- قاتىناستاردى ودان ءارى دامىتۋعا ىقپال ەتەتىنىنە سەنىمدىمىن. بارلىق باعىتتار بويىنشا ءتيىمدى شارالار كەشەنىن ازىرلەۋ ماڭىزدى مىندەت. بۇل باستامالاردى ىسكە اسىرۋ تەك ەكونوميكالىق دامۋعا عانا ەمەس، ءبىزدىڭ مەملەكەتتەر اراسىنداعى دوستىق جانە تۇراقتى قارىم- قاتىناستاردى نىعايتۋدا ماڭىزدى فاكتور بولماق» - دەدى قازاقستان پرەزيدەنتى.